اللى عنده مبدأ أحسن من اللى عنده حساب فى بنوك.. وأنا مبدأى مش هوافق على قاتل أو متواطىء والثورة تحكم لاتحٌاكم وإنى مش هسلم دماغى لحد أنا خلقت حر وكرامتى فوق الجميع وحريتى تقف عند إيذاء الآخر
أنا ضد كل من يقول احنا عاوزين ضمانات ان المسلمين اللى مش إخوان هياخدوا حقوقهم أو المسيحين عاوزين ضمانات حق المواطنة أو الستات هتكون بحريتها ...أنا ضد كل من يطلب ذلك لان طلب الضمانات تطلب لحاجة وكأنها مش حقك أو يعطهولك وكأنها منحه أنا هاعيش بحريتى وراحتى وأراعى ربنا وضميرى فقط لامرسى ولا غيره هيغير حياتى ولا عقيدتى هو يغير الحياه للافضل كرئيس معُين بالإنتساب وكموظف إدارى للبلاد فقط وأنا كمواطن ولى حق فى البلد وعليا واجبات وحقوق فانا لم ولن أسمح لأى حد يحبسنى جوه نفسى هافضل ثورى حتى على نفسى وحق الشهيد هافضل وراه لما أخدو وأهداف ثورتى هاكملها أى كان الرئيس لان النظام لم يسقط بعد ..دى رسالتى إالى السيد / محمد مرسى مبارك الرئيس الجديد لمصر ..فعلا أنا قاصد أكتب محمد مرسى مبارك لأننا كنا بنقول لا للتوريث ويسقط النظام.. فراح النظام اتفق مع النظام برده على انهم يغيروا بس بدل النظام مايكون حزب وطنى واسمه جمال أصبح حزب وطنى اخوانى وركب دقن وبئى اسمه محمد مرسى مبارك...أنا حتى بفكر أعمل شركة لتصنيع الدقن المحمول بحيث تكون معاك فى كل مكان وتفتح لك الأبواب المغلقة ..أصل إحنا ناس بنحب اللى يضحك علينا باسم الدين على أساس إننا من الماجوس وكل واحد فينا عامل صنم فى بيته وتقريبا نسينا إننا شعب متدين وعارفيين ربنا كويس ودينا الإسلامى له 1500 عام والمسيحيه من قبله ...ورغم إنى متأكد من الصدام القادم بين النظام والنظام ...لان اللى مشفهومش وهما بيتفقوا هيشوفهم وهما بيوزعوا مصر بينهم ...وغرام الآفاعى لايدوم كثيرا ..
أما الناس اللي بتشتم مقاطعون أو مبطلون عشان خاطر مرسي كسب : احب أقول لهم "يا حبيبي منك له - المجلس العسكري كان كدة كدة طابخها من ساعة ما شفيق مادخل الاعادة و كان بيجس نبض الشارع و سواء مرسي ولا شفشق هو كان هايعيش" ::: زعلك ده هو اللي بيدي مرسي شرعية في الرئاسة ::: محمد مرسي رئيس بالتعيين و ليس بالانتخابات الحرة ..... العسكر فرض علينا اتنين تابعين له واحد قاتل وآخر متواطىء اتنين من رحم الثورة المضادة اتنين حله وغطاها من أول مره جلس فيها الجماعة المحظورة سابقا المحظوظة حاليا مع عمر سليمان خطتهم ماشية تمام من أول إستفتاء 19 مارس بتاع الجنة والنار العسكر اختار لينا اتنين مستنسخين من بعض نختار منهم و دي ماسمهاش ديموقراطية
و سوف يكتب التاريخ ان شفيق كان ورق البفرة بتاع العسكر و إلاخوان : هرب الفلوس و قعد يشتم يمين و شمال لحد ماعملو عملتهم جوة و خلصوا و سلم و استلم و هو أتكافئ بتسفيره من البلد معزز مكرم بحجة انه شتم مرسي فطبيعي يخاف على نفسه من مرسي مش من الشعب
على طاولة المفاوضات كل فريق يبتسم و يهدد في آن واحد ... لا توجد ورقة "الأخلاق و الصح و الغلط" كل طرف يستخدم ما لديه من سمعة، أصدقاء، سلاح، دين، قنوات إعلامية، تعداد العساكر أو المليشيات و هكذا للعب مع الطرف الآخر
وفى النهايه احب أقول للثوار الحقيقين.. فأعدائكم يهدونكم عيوبكم و لا يتفقون معكم كما يفعل الخونة؛ هم بشر لهم أوجه نظر مختلفة و هم خائفون منكم بقدر خوفكم منهم ...... مالم يذكر في كتاب أو فلسفة أو أخلاق بشرية منذ بداية الخلق هو "حب الصاحب الخائن"
ياريت يا عم مرسى زى الحركات ماهى شغاله ان البورصة ترفع والبلطجيه بدا القبض عليهم وحاسيين بشوية آمن كدة ياريت تغيروا بس حاجة صغيره فى السناريو دا وطلعوا المعتقلين أهى حاجة تحسبلك رغم انها حقنا وياريت تسيبك من انك تتصور مع أهالى الشهداء لأن عصام شرف بردو عملها قبلك المهم حقهم مش نتصور جنبهم ..وفى الختام اللهم أحفظ مصر وشعبها من الخائنين والمتواطئين وكل من أراد باهلها سوء........
وفى كل الأحوال الثورة مكمله بس احنا بنريح شويه ياعسكر اخوانى
الله .............الوطن ............حق الشهداء.............الثورة
fawzy elrashidy
الله .............الوطن ............حق الشهداء.............الثورة
fawzy elrashidy
لا تصالح
الخال عبد الرحمن الأبنودى .
د/ صلاح العنانى قال اللى أنا عاوز أقوله
