عسكور وجماعته ملناش فيه

دى مشاكل عائلية بين عسكور وجماعتة
الأخوان طبعا مش أخوانا احنا ..اخوانهم هما أنا مليش أخوات متآسلمون الحمد لله..الجماعة زعلانيين أوى ان طنطاوى بيحب الجنزورى عليهم طب واحنا مالنا بالمشاكل العائلية دى ...عسكور وجماعتة الخاينة احنا لينا دخل فيها .
وهو كل جماعة تعرف ان حبها الاول بيعرف جنزورى عليها تقوم تعمل عليه مظاهرة كدة ويطالبوا كمان الثوار الاحرار اللى كانوا بيخربوا البلد وبياخدوا ترماددول انهم يشاركوا معاهما فى خلع حبيبهم ..لا لا ماينفعش يامحظورة كدة احنا كثوار مندخلش بين العشاق كدة ..مش فاضيين احنا للتفاهات دى احنا عندنا ماهو اهم منكم وهى ثورتنا ودستورنا اللى انتم بتظبطوة مع بعضيكم
ولو فيها نزول هننزل العباسية شوية مع المناضل الشلفنطح عكاشة افندى أو الواد الفوتوشوب عموره مصطفى ..انا هنزل احمي المنشأت الحيوية واي اخونجي هايتهور ويعمل قلق في البلد هشارك العسكر في ضربة وسحلة من جلابيتة اللي بكباسين.
المهم يا محظورة انسى نقفوا معاكم او مع العسكر.. اللى باعك بيعوه وانتم سيد من يبيع وان كنت ناسى أفكرك  احنا مع الحق والحق هى الثورة ومصر وبس

كان بودنا ننزل معاكم ياضنايا انت وهو بس انتم لو قدمتم السبت كنتم لقيتم الاسبوع كله ...وكمان المظاهرات حرام وبتخرب البلد واحنا بصراحة عاوزيين استقرار وكمان عجلة الانتاج مهويه شويه ...وفلوطة افندى صبحى صالح بتاعكم عامل بيان فى مجلسكم بتاع تحت القبة شيخ انه عاوز يمنع المظاهرات ولا هتمنعوها بعد بتاعتكم ..
..هاقولكم حاجة بسيطة جدا المتأسلمين هم أحقر أمه اخرجت للناس. وعلشان الفلايط هيقول حرام عليك أنا بقول المتآسلمين اللى ميعرفوش الاسلام
ولو خيروا المسلم أن يتعامل معهم أو مع الشيطان فوجب التعامل مع الشيطان فالشيطان عصى ربه أما هؤلاء فهم يعتبرون أنفسهم الإله ذاته وهذا لم يفعله الشيطان.
دول فرطوا فى حق الشهداء اللى خرجوا من السجون بدمائهم ووصلوا للكراسى على أشلائهم وبيقلولك مفيش خرطوش وبيقولك البنت اللى إتسحلت اصلها لابسة ع اللحم ويقولك أصل بنات كشوف العذرية داعرات.. ويعملوا قانون بحبس المتظاهر.. ويسيبوا مصطفى بكرى يسب فى البرادعى وبعدين يعملوه رئيس لجنه الدستور.
دول عينى عينك عاوزين يكوشوا على الدستور بحجة الأغلبية البرلمانية ومفيش ولا دوله فى العالم الأغلبية البرلمانية بتحط دستورها.. وقال إيه ؟.. البرادعى مينفعش ف اللجنة.. ومصطفى بكرى ينفع.
يقولولك عمليات التجميل حرام ويروحوا يعملوها.. يقولولك لازم النقاب ويتجوزا رقاصات.. وعاوزين يبيعوا بنات مصر للوهابيين بالسماح للبنات بالزواج من سن تسع سنين وأقل كمان.عالم نصابين دين.. انتم لا أمان لكم مطلقا.
خلافكم مش عشان الثورة وياريت متجبوش سيرة الثورة اصلا  الخلاف بينكم كمان مش فى الحكومة وبس .
الخلاف الرئيسى فى مسودات الدستور المعدة سلفـــــــــا.والتى كان يامل الاخوان ان تكون برلمانية للسيطرة الكاملــة.وتصميم العسكرى على جعلها رئاسيــــة.وطبعا هو له الرئاسة طبقا للاتفاق المبرم.والا لماذا الثناء على الحكومة فى انتخابات البرلمان
والشورى.والتشكيك فيها فى انتخابات الرئاسة ؟؟؟؟. ودة يمكن يكون سبب طرح مرشح من الجماعة... خدوا نصيبهم وعايزين يشاركوا المجلس فى نصيبة..طمع الدنيـــــا..
وبعدين ياريت متتطلعوش كل شوية تقولوا عاوزين نكمل الثورة اتكلموا على اللى يخصكم قولوا عاوزيين نكمل الكراسى ..نكمل الرصيد فى البنك...نكمل مجموعة الطراطير ولو هتفضلوا تتكلموا باسم الثورة أوك انزلوا مع بعضيكم اعملوا الثورة ولما تنجح اذا نجحت هننزل نركبها زى جماعة لا داعى لذكر اسمها وأول حرف من اسمها المحظورة ولابسة توب النفاق والخيانة  ..
مش فاضل بس غير انى أقول صدق من قال  بإن الأخوان أخطر على الأمن القومى المصرى من أسرائيل

للثورة ثوار يحموها يامحظورة يلا موتوا بغيظكم

fawzy elrshidy