لف وارجع تانى

بلدى الكل فاكر انه فاهم فيها وعارف كل حاجة فيها لحد خلاص مافككوها ,, عملوها لعبة وسابونا نتفرج عليها كانت فى أيد نظام فاسد ولما عملنا ثورة وقلنا خلاص رجعناها وجمعناها و هنبنوها ونعلوها وهتفنا فى كل حتة أيد واحدة أكتشفنا بعدها انها أيد واحدة آه لأن التانيه مقطوعة وحتى كمان الآيد الواحدة نسينا انها مش صباع واحد فيها خمس أصابع ومش كلهم زى بعضهم ,,فيها الصباع الاول قتل الثورة وسحلها وعراها ,, وفيها الصباع التانى سرطانى عاوز ينتشر فى كل الايد وياخدها لحسابه ونسى أنه صباع واحد فى الأيد ملهوش لازمة حتى لو كان أقواهم ,, وفيها الصباع التالت مع الرايجه شغال يبصم مع الكل ومهوش فاهم لكن قالك لازم أشارك حتى وان كنت بالبصمة ,, وفيها الصباع الرابع لا بيهش ولا بينش كمالة عدد لازم يكون موجود لاستكمال المنظر وبس وممكن يسند مع كل صباع شوية وخلاص ,, أما الصباع الخامس فهم شباب الثورة اللى بيحاول كل دوول قطعه من الأيد الواحد رغم انه هو اللى حركهم بعد شلل وجرى الدم فيهم بعدم عدم وفى الأخر جروا هم دمه على الأرض ,,يبقى منقلش أيد واحدة لان صوابعك مش زى بعضيها .
ومشكلتنا فى ان كل واحد فينا فى اتجاه كل واحد بيخطط ازاى ياخد التورتة كاملة ولو حد فكر ياخد حتة منها التانى بيفكر ازاى يسمهالوا ,, العسكر خايف على مصالحة المشتركة بين النظام السابق والنظام السابق الحالى , والحكومة جات محلل ومش عاوزة تطلق الوزارة آه نعم جواز المحلل الشرعى لكن كانوا شارطين عليه الطلاق
ومجلس الشعب واقف ع السلم مش عارف يطلع ولا ينزل ومحدش شايفه لكن الأعضاء شايفه نفسها وبس ,, ورغم اننا هنرجع نقطة الصفر من جديد فى حالة حل المجلس لان كل حاجة هتتفكك من تانى بمعنى اى عضو ماضى لمرشح فى الانتخابات هيكون باطل وكمان الاحزاب الممثلة على القوائم فى البرلمان اللى مرشحه عضو برده هيكون باطل وكمان اى عضو هيشارك فى صياغة الدستور هيكون باطل..
وهل تعلم ان فى حالة حل مجلس الشعب انه هيكون هناك فرصة لاسترجاع خيرت الشاطر حسب المادة 18 من الدستور وعلشان كدة حاسس ان البرلمان الأخوانى مش فى دماغه حل المجلس لانه بردو مستفيد,, بمعنى حالة صدور حكم بحل مجلس الشعب، حيث تنص المادة 18 على أنه "فى حالة خلو مكان أحد المرشحين خلال الفترة بين إعلان قائمة المرشحين وقبل انتهاء الاقتراع يتم الإعلان عن هذا الخلو وتأجيل الموعد المحدد للاقتراع مدة لا تزيد على 25 يوما ويكون لغير باقى المرشحين التقدم للترشيح خلال 7 أيام على الأكثر من التاريخ الذى أعلن فيه خلو المكان ويطبق نفس الحكم إذا كان الخلو خلال الفترة بين بدء إجراءات انتخابات الإعادة وقبل انتهاء "الاقتراع".
ووفقا لهذا النص فإن الانتخابات قد يتم تأجيلها لنحو 25 يوما فى حالة حل البرلمان، نظرا لخلو أماكن المرشحين الذين ترشحوا على قائمة أحزاب سياسية باعتبار أن هذه الأحزاب لم يعد لها ممثلون فى البرلمان، وبالتالى لا يحق لهم الترشح فى الانتخابات الرئاسية ويتبع ذلك إعادة فتح باب الترشح فى الانتخابات الرئاسية.
وطبعا أى قانون هيعملوا مجلس الشعب قبل الحل هيفعل فعلا ولا يعتبر باطلا وعشان كدة بيسعوا جاهدين تطبيق قانون العفو السياسى عن كل ما أدين فى جرائم سياسية فى عهد النظام السابق وبكدة هيرجع خيرت الشاطر يترشح فى ال 7 أيام فترة السماح لامتلاء الأماكن الخاليه من المرشحين بعد بطلان ترشيحهم ويتم الحشد لعمل توكيلات وطبعا واذا قيل لهم اعملوا توكيلات لعملوا
وفى النهاية أعتقد أنه سيناريو ممنهج ومعد مسبقا حتى نرجع نقطة البدايه ويتم تأجيل الانتخابات بسبب بطلان كل ماسبق قانونيا ودستوريا ,, مع احتياطى اختلاق الأزمات داخليا وخارجيا بسبب الأصابع الخفية أو اليد الأخرى التى تظهر فى الأزمات ,, من أزمة الجيزاوى والسعودية ,,وأولاد أبو أسماعيل ووزارة الدفاع واستخدام البلطجية فى كل المشاكل ,, وأزمة الجنزورى والكتاتنى ,, وطبعا غير أزمات الحياة المنسية من عيش وغاز وزبادة أسعار:
وكل دا لاننا لم نسمع لصوت الضمير وسمعنا فقط لصوت المصالح والكراسى المخلعة ومشينا بدون كاتلوج للبلد وبنحاول نجمعها بس كل واحد بدماغه ومصلحته
حاسس ان الشهدا بيجمعوا بعض وراجعيين من تانى , عرفوا اننا عاجزين ناخد حقهم فكروا هما يرجعوا ياخدو حقنا وحقهم ويرجعوا تانى
 البلد محتاجة كاتلوج أصلى وكاتلوج بلدى هو الضمير و الدستور اللى ممكن يجمعها بس يكون كاتلوج صح ميكنش كاتلوج تايوانى على يد مصرية. 
الثورة مستمرة حتى تفرض أحكامها
fawzy elrashidy

                   

كرامة ضايعه يا ولاد الحلال

محدش شاف كرامة ضايعه ياولاد الحلال بعد ماضيعوا هوية مصر المصرية لاهى باينه اسلاميه ولا علمانيه ولا ليبراليه لكنها باينه قوى تشويه صورتها بكل شتى الطرق الكل بيلبس قناع الثورة بعد ماضيعوا وجه الثورة الحقيقى ..من عيش حرية عدالة اجتماعية لــ كرسى مصلحة فلول اخوانيه.
كانت حكومتنا وحكامنا على مدار 60 عام وهى حكم العسكر تقريبا نسوا أو تناسوا ان مصر دولة مش معسكر اتعاملوا معانا على اننا جنود لهم  الكل سمعا وطاعة والكل فى خدمة الحكومة والحكام ونسوا ان فيه وطن ومواطن وحقوق مواطنة أهانوا آدمية الانسان فى وطنة فأهانونا فى اوطان العروبة المتعربه , ليتنا كنا امريكان حتى نعيش فى مصرهم كرماء.
كانت ثورة 25 يناير طوق النجاة الوحيد لاقتناص حقوقنا وكرامتنا التى تبدأ من الداخل اولا حتى يكرمنا الخارج, نزلنا فى الثورة وطالبنا بالعيش والحرية والعدالة الاجتماعية وهى اقل مايمكن اقتناصة لآدميه الانسان وأبسط الحقوق ولكن للىسف هناك اناس على هيئة بشر تعودت تسول الكرامة وتعدوت تسول الحرية.
ولولا متلونى الوجوه وصانعى الصفقات المشبوهة كانت ثورتنا تمت فى أزهى نجاح ولان الثوار الحقيقين أبطال ودائما ماينتهى البطل بالغدر او الخيانة ولم يتوقعوا خيانتهم وغدرهم وأمنوا من لا ايمان ولا آمان لهم , ولكن ان تم خيانة الثورة وقتلها فهناك ثوار احياء بعقولهم وبقلوبهم وهناك أسمع انفاسا تشحن ثورة وتعيد بنيان قوتها الثورية واللى يقولك دوول مش ثوار 25 يناير قوله ولا دوول جيش 73 ولا دوول اخوان البنا ولا دا الاسلام
هناك شباب 6 ابريل -شباب كفاية -شباب أولتراس -شباب السويس - الشباب اللى باقيين من الأخوان والسلف ياللى بتحبوا مصر مش الجماعة ..الجماعة بتعيش فى مصر ...مصر مش بتعيش فى الجماعة يا شباب مصر الحر الغير منطوى تحت احزاب كرتونيه مغلقة العقول والقلوب ولكن متفتحة الجيوب والارصدة , هناك مصرى ومصرية بيحبوا مصر لمصر ومن وراءهم ضمير ثورى - دكتور محمد البرادعى . لو كانت نجحت ثورتنا مكنش تجرأ أحد على اهانة المحامى أحمد الجيزاوى , ان اهانة اى شخص مصرى هى اهانة لمصر . أنه مسلسل الاهانات المصرية أهانوا خالد سعيد وسيد بلال . أهانوا الشهداء والثوار ,كانت كرمتنا وحريتنا بين كماشة حسمى وأعوانة أصبحت بين كماشة العسكر والأخوان.
لابد من استكمال تلك الثورة بأى طريقة لابد من استرجاع كرامة المصرى أو ولادة كرامة المصرى وحريته , لابد أن يقف العالم انتباه للمصرى فى أى مكان , إن الكرامة تتصل بروح الأمة وثقافتها التي يبثها فيها الرواد الحضاريون من الحكماء والعلماء والحركات الاجتماعية المخلصة. ومن هنا فالمطلوب من أولي البصائر والوعي في الأمة أن يقوموا بعمل كبير من أجل بلورة إحساس الشعب بكرامته.
يامصر ياجرح دامى وغابر فى صميم فؤادى ...وحق الكرامة الضايعة المهدورة وحق السيوف البايدة المكسورة سامعينك بعزك اللى مدبوح بصوتك اللى مبحوح ..ثوار مصر رجعين بكل قوة وروح ماتت ثورة هنحيى  ثورة بالدم والروح
ثورتنا مستمرة من اجل كرامة المصرى والمصريين فى كل بقاع الارض
الله...............الوطن..................الثورة
fawzy elrashidy

           

كومبارس السياسة فى دور ترزي الدين والقانون

لقد أصبحنا فى زمن كومبارس السياسة فى دور ترزي الدين والقانون ...بعد أن هدروا حق الأبطال ممن استشهدوا واعتقلوا وشوهت صورهم وجاءوا كومبارس السياسة سيرا على أشلاء ودماء الابطال , شباب مصر الحر.

كيف لنا أن نحجر على الابداع الفكرى والفنى وكيف لنا أن نحجر على العقول المصرية من فن وثقافة

بدل ما نعمل على تقدم البلد ورقى المجتمع المصرى من فكر ثقافى وسياسى وفنى  وبدل مانشوف قوانين ترجع فلوسنا المنهوبة وبدل ما نشوف قوانين تفعل تجريم قتل الثوار ومحاكمة كل من أفسد الحياة السياسية , تركنا كل دا وبندور على اللى بيمثل دور ازدراء اديان وتمثيل دور الارهابى الذى عانا الشعب منه الكثير فى التسعينات ومازلنا نعانى منه بالارهاب الفكرى لان حرب الارهاب تطورت كثيرا بدل ضرب الرصاص اصبح ضرب الافكار وافساد العقول . اى عقل ممكن يتقبل حجب الابداع عن مصر أم الحضارة والتاريخ والفن
فابالنسبة للحكم ضد عادل امام  أنا ليست قضيتى عادل أمام أو شخص انها قضية فكر وابداع, مصر هيوليود الشرق , بكرة نلاقى الحكم المؤبد على كل واحد جسد دور تاجر مخدرات فى اى عمل فنى و نقيم الحد على اللى عمل دول كافر هل وصلت بنا التفاهات لهذا الحد , تارة مجلس الشيوخ المصرى يناقش زواج الاطفال وتارة يناقش قانون مضاجعة الوداع وهو السماح للزوج بممارسة الجنس مع زوجتة المتوفيه بشرط أن لا يكون مر على وفاتها مدة لا تزيد عن 6 ساعات , أى عقل هذا وأى منطق و أى دين والسؤال هل انتخبنا نواب مجلس الشيوخ المصرى لتشريع قوانيين لحماية الثورة والمجتمع وحل مشاكل الفقر والبطالة والغلاء؟ 

ولا انتخبناهم علشان يقننوا العادات الشاذة جنسيا وحبس الأفكار والابداع المصرى

يجب محاكمة كل من رفع قضية ازدراء الأديان على عادل إمام بتهمة ازدراء الانسان: الطائفين اللا إنسانيين من اخوان و سلفيين ركبوا البلد و مش لاقيين حد يلمهم من أولها هل ننتظر إعلانهم عن أنهم المتسببين في الحرائق و غيرها من إفساد الحياة الاجتماعية و السياسية الأسوأ من مبارك لنفيق !!

فعلا مضطرين نأيد عادل امام لان التهمة تصفية حسابات

اتفقنا أم اختلفنا معه .. هذه قضية كل مبدع مصرى .. و اللى يطنش .. الدور جاى عليه ..
كان بيتم تهجير كل ماهو مبدع ومفكر فى عصر النظام السابق حتى الباقون على ارض مصر والباقى كان مهجر داخليا ...ولكن النظام الحالى المستنسخ من السابق بعقلية متحجرة يريد قتل الابداع والافكار.
ان الموهبه والابداع عطية من الله عز وجل يختص بها من عباده مايشاء , بذرة كامنه مودعه فى الأعماق تنمو وتثمر أو تذبل وتموت حسب بيئته الثقافيه ووسطه الاجتماعى.
لايجب أن نسمح لأحد بأن يسلبنا الارادة والفكر والابداع ..علينا ان نعمل على تحقيق العدل والمساواه وحقوق الانسان ورفض الاجابات الجاهزة, لغة الماضى التى تسحقنا ....لابد ان نقف بقوة لحقوق العقل البشرى وآدمية المصرى
لابد أن نقف بقوة ضد الارهاب الفكرى لان لو فكرنا وعقلنا وابداعنا راح كل شىء هيروح ...فاكرين لما نبح صوت الشباب في ثورة 25 مسكوا الصفيح خبطوه في بعض و في عواميد النور عوضا عن الهتاف عشان يقولوا "احنا موجودين و هتافنا حي" .... أنا من خارج مصر كالصفيح أمللأ الدنيا ضجيجا نيابة عمن نبح صوته حتى و ان كنت مجرد صفيح لأني أؤمن بأن كل المعادن غالية ان دخلت في صناعة مشروع جيد

وفى النهاية محتاجين نكمل ثورتنا ومحتاجين أكتر ثورة عقول

الله................الوطن.................... الثورة

fawzy elrashidy

fawzy elrashidy

حزب الدستور ...سفينة النجاه للثورة

حزب الدستور.. حزب الأفكار... حزب المصريين بكل طوائف المجتمع المصرى لاتقولى ليبرالى ولا علمانى ولا دينى ولكن قل مصرى , ان الأفكار ليس لها  دين ولا وطن فالافكار حرة طليقة فى سماء الفضاء يصطادها من أراد أن ينعم بتغذية العقل  ومن منا لا يريد أن يكون بجوار الكبار ومن منا لا يريد أن يجالس دكتور البرادعى ويشرب من نهر أفكاره العذبه النقيه المتجدده, فحزب الدستور هو حزب الافكار والعقول المستنيرة فهو الطريق الذى سيضيىء بصيرة الشعب المصرى ليصنعوا طريق المستقبل الذى يحلمون به

هذا بالفعل ما كان يجب ان يحدث منذ فترة..الثورة تحتاج لقوى سياسية ناضجة تستطيع ان تملئ الفراغ بين الشرعية والسلطة وهذا الحزب هو المعنى الحقيقي لحزب يخرج من رحم ثورة 25 _يناير..اتمنى ان يكون كل عضو له تأثير فعال فى نهضة مصر..لان كل الرموز الموجودة كانت هى المبشرين الاوائل لهذه الثورة..وعلى راسهم الدكتور البرادعى الذى حرك المياة الراقدة فى نهر السياسة المصرية التى تعطلت لاكثر من 30 عام..دمتم لمصر..عاشت الثورة..عاشت مصر حرة مستقلة

"الدستور" يأتي كنواة لجمع الشمل وتمكين الشباب وتحقيق حلم كل مصري في حياة حرة كريمة بعيدا عن المزايدات والفوضى بعد فترة انتقالية "كارثية.
وكما قال  دكتور البرادعى على موقع التواصل الاجتماعي "تويتر" ان نهضة مصر هي في إدارة رشيدة قائمة على العلم والكفاءة والمصداقية والمحاسبة وليست في سجال أيدلوجي أو شعارات جوفاء"أن الحزب الجديد يشتغل على المدى المتوسط، ولا يسعى إلى نتائج لحظية خلال شهر أو شهرين"، "نبني حزبنا بأسلوب عقلاني وتدريجي لاستنهاض روح المشاركة لدى الشعب المصري وفي ذهننا تجربة الفقراء والبسطاء في الهند، الذين شاركوا في إسقاط الاستبداد وصناعة الديمقراطية من خلال حزب المؤتمر".

    أن الحزب مفتوح لكل مصري بصرف النظر عن عقيدته ولونه، محذرا من أن الدخول في متاهات الحديث عن هوية مصر المعروفة والواضحة عبر أكثر من سبعة آلاف سنة من شأنه أن يعطل قدرتنا على التقدم والتطور.
    "قوتنا في وحدتنا و ليست في عددنا فقط"، ان مؤسسى  الحزب يحلمون بأن يضم خمسة ملايين مصري في حزب وسطي جامع لا ينافس أحزابا أخرى، وإنما يعمل على جمع الشمل، كاشفا النقاب عن أن نحو خمسة أحزاب بارزة على الساحة الآن تريد الاندماج في الحزب الجديد، الذي سيكون وسطيا وديمقراطيا ووطنيا، مفتوحا لكل مصري ومصرية.

وفى النهاية تحياتى للدكتور البرادعى ضمير الثورة و الوكلاء المؤسسين  وهم :والسفير سيد قاسم المصري والدكتور أحمد حرارة والمحامية راجية عمران.

ثورتنا مستمرة مادام هناك رجال صادقون وأوفياء للوطن ولا يخافون فى الحق لومة لائم ولا يسعون لاى مناصب سوى الارتفاع بالوطن والمواطن لأفضل حياة كريمة فمن وضع المناصب والكراسى فوق رأسه نزلت به وبآدميته فى الأرض ومن وضعها تحت قدميه رفعته فى عنان السماء ليراه الجميع ويكون كبير فى زمن الأقزام اللذين يلهثون وراء الكراسى المخلعة , ستظل كبير يا دكتور محمد بأفعالك وأفكارك وسنعلوا جميعا بحزبنا وبمصرنا الحبيبة

تحياتى لحزب الدستور ومؤسسيه وكل من يحب مصر من أجل مصر

ثــــــــــــــورتنا مــستمــــــــــــــرة

fawzy elrashidy

                                             هؤلاء الكبار من المثقفين والوطنين من مؤسسى الحزب

دكتور محمد البرادعى فى سطور

حينما يبكى ضمير الثورة دكتور البرادعى

حضرت المنصة و غابت الثورة

فى جمعة لم الشمل تقريبا محدش لقى الشمل فلموا نفسهم وروحوا على البيت بعد رحلة مباركية عسكرية بديعية ,
ويحزننى جدا ان ثورة الكرامة بقت عبارة عن ثورة منصات وأغراض شخصية للمتحولون وأصحاب المصالح وفعلا أصبحوا عبأ على الثورة وبيزيدوا فى الحمولة على أكتاف الثوار الحقيقين , طول الأيام الأخيرة كنا بنادى بلم الشمل ومحدش يرفع شعارات غير علم مصر لان دى الحاجة الوحيدة اللى المفروض يجتمع الجميع حواليه ممكن أو مقبول ترفع علم سوريا على الأقل ولكن رأيت حاجات غريبة ومريبة أعلام سودة وبيضة وأعلام السعودية يعنى أيه دا .
ويعنى أيه 9 منصات فى ميدان واحد , عامليين زى جماعة عملت فرح ونصبوا المسارح وجابوا المعازيم وعواجيز الفرح وغاب العريس اللى هو الثائر الحق وغائبت العروسة اللى هى الثورة المغتصبة من عسكر وتجار دين وكمان مش موجودة غير فى الميكروفات وعلى ألسنة شاويش المسرح زى صفوت حجازى وكتير من المطبلاتية واللى بيأجروا عيونهم شوية تدمع على دم الشهداء لكسب تعاطف المعازيم فقط لكسب صوتهم فى الصندوق .
كان عندى رأى من الأول ان الاخوان والسلف ملهمش أمان لان كل’ يغنى على مرشحاه ومصلحتاه و ليلاه حضر الجميع وغابت الثورة.
وكمان العسكر والأخوان عاملين زى التليفون والجراب فى اى وقت التليفون يدخل فى الجراب حفاظا عليه وشويه يخرج يتهوى ويرجع تانى فهم الاثنان صنعوا من أجل بعض فعلا مصنوعين فكريا لان الفكر صناعة وانا لا أتطرق للخليقة لان خلقهم الله ولكن هم صنعوا افكارهم السمومية الملتويه وعندى اعتقاد قد يصل للتأكيد انهم بينزلوا بأمر من العسكر ومؤكد طبعا أمر المرشد وبينزلوا لاخماد روح الثورة وانتهاء اليوم عند المغرب حسب الاجندة المحطوطة ليهم وبينزلوا وكانها رحلة باتوبيساتهم بسندوتشاتهم ببابا غنوجهم بهتافتهم بشعاراتهم.

ويلا قومي يا ولية نعتصم بدل ماحنا قاعدين فاضين يوم الجمعة كدة خشوا البسوا يا عيال كلها كام ساعة و نرجع البيت و نروح شغلنا بكره

ان ما يفعله مؤيدي الاخوان هو تقليد أعمى للثوار بس بنكهة بديعية ...مقلدون متأخرون عبط

الوضع الحالى للثورة بيفكرنى بالظبط زى الفرقة الموسيقية فى فيلم تايتنك المركب بتغرق والمياه وصلت لدقون الناس والفرقة الموسيقية بتعزف ومش حاسين بأى حاجة لحد ماغرقت السفينة وغرق الجميع .

وفى النهاية ورغم كل دا لابد من استكمال الثورة ولكن مش هيكملها غير ثوارها الحقيقين الثوار اللى منهم من استشهد ومن أصيب ومن أعتقل ولكن متأكد ان كل دا بيشحن الثوار ثورة لان الثائر بيثور حتى على نفسه ياريت نعيش الواقع حتى لو مر لان الخيال لو حلو بيفضل خيال لكن مش بيوصل لنتيجة بلاش كلمة ايد واحدة دى لان الثوار بتقول ايد واحدة وعاوزين لم الشمل وايد واحدة  بس صوابعك مش زى بعضيها وبردو فى نفس الايد الواحدة

مش هيكمل الثورة غير الثائر الحق الناس اللى بتشتغل من أجل مصر من دكتور البرادعى وشباب 6 أبريل شباب اولتراس شباب كفايه وضباط 8 أبريل وباقى شرفاء الجيش و رجالة السويس وجميع رجالة وبنات مصر الاحرار ولاد مصر اللى بتحب البلد من قلوبهم بجد لخاطر البلد مش لخاطر شخص ولا جماعة

ومش مهم يوم جمعة فات لكن مش أخر يوم ولا الجمعة هى يوم الثورة فكل الأيام ثورة وكل ثورة ليها ثوارها اللى بيحموها

وطول ما فينا نفس يبئى لسه عايشين ويبئى فى أيدينا التغير ونوجه الدفة زى مااحنا عاوزين.

لو صوتنا ماهوش واصل ....طب فاصل ونواصل .....ونكمل ونثـــور

حارب لاخر امل..
صارع جيوش اليأس. ..اهدم بيوت الفشل....وانسى الشعور بالنقص....حاول اكيد تقدر.. .دى الفرصة ضوء اخضر.. .فتح السكك مرر....لحظة ثقة بالنفس

تحياتى لكل ثائرى مصر الحقيقين فقط 

                                                             زعلان عليكى مصر

   

شباب مصر الثائر راجعين

اللى سرق الثورة يرجعها

                      دى الحقيقة مفهاش كلام كلهم باعو مصر من اجل الكرسى وباعو الثورة والثوار وخونوهم وأحلو دمهم 

ونصيحتى لكل اصدقائى الثوارهيخونوكم كتير أوى الفترة الجايه اكتر من الاول وهيعملوا على اهباط عزيمتكم وهيعملوا اشاعات اكتر وهيحاولوا يضربوكم فى بعض ولكن انتبهوا جيدا اصدقائى الاعزاء

الله........................الوطن ..............الثورة

fawzy elrashidy 

واللا زمان ياميدان

جايلك ياميدانى ..راجعلك يابلدى بقالى حد فيكى ميدانى وأهلى اللى فى الميدان اللى مشفتهمش من زمان..اللى كان جنبى ومعرفش اسمه اللى كان بيرمى نفسه فى وش النار و يفتح صدرة للرصاص اللى بيستقبل الرصاصة مكانك تبقى الرصاصة جايه خايفة من صدر البطل ولو تعرف هى رايحة فى جسم مين والله والله كانت لفت ورجعت تانى للى بيضربها , لكنها من قلة احساسها بتيجى مش حاسه باى جرح غير انها خارجة من جبان رايحة تسكن جوه بطل  ودمه يملى كفك وتبص فى عينه تلاقيها بتبتسم ونظراته بتقولك كمل مشوارنا خد حقى وحقك نص ثورة معناها مقبرة للثوار واخر كلمه قولتهالو وعينى بتدمع على الولد اللى بموته بتحيا البلد نام ياصاحبى يا أخويا يا ابنى يا أبويا يامسلم يامسيحى يامصرى احنا مكمليين ودمك اللى روى الارض هيطرح بطل زيك وهنأسس وطن يسمع شكاوى المظلومين هنأسس مصر مش خايفة من صوت الاذان ولا خايفة الكنائس تتبنى.. هناسس وطن غنى وطن يبقى فيه المصرى عزيز متصان وعمره ما يكون متهان

نازلين تحريرنا ميدانا ونرجع اللى فات يا أهالينا انضموا لينا .
 مليونية 20 أبريل ..هى مليونية الرمق الأخير بل بداية ثورة مصر ثورة الشهداء ...ثورة الأحياء ثورة الجياع ...ثورة الكرامة ..
لكل مصرى بيحب البلد بجد..اتمنى من كل التيارات سواء اسلامية او يسارية او ثورية او ليبرالية.. أتمنى من كل ثائر هينزل الميدان الا ينساق وراء أى هتافات عدوانية لأى طائفة بمعنى ممكن يدخل بينا حد يغلط فى الاحزاب الاسلامية او اى تيار اسلامى حتى يقوم بالوقيعة أو حد يندس بين التيارات الاسلامية ويغلط فى الثواروالثورة احنا هننزل على قلب رجل واحد .
نازليين عشان الثورة وبس حق اللى مات والابطال المعتقلين ومحاكمة الفاسدين ودستور لكل المصريين وانهاء حكم العسكر وعيش حرية عدالة اجتماعية وعدم تأجيل الانتخابات وتطهير الداخلية والاعلام وهدم كل ماهو فاسد وبناء مصر الامن والامان
وياريت محدش يرفع اى شعارات حزبية أو طائفية او انتخابيه لاى من مرشحى الرئاسة مش عاوزين الثورة والميدان تتقلب لمعرض اعلانات والكل يكون نازل وعارف انه هيرجع ببداية ثورة وبداية مصر أو يرجع  شهيد ..احنا مش نازلين رحلة ترفيهيه
ياريت نرجع لروح ال 18 يوم اللى خلعنا فيهم المخلوع ومازال النظام قائم احنا نازلين نزيل هذا النظام الفاسد افتكر اخوك وصاحبك اللى دمه لسه على هدومك .
لا سبيل لنا للخروج من قبضة حكم العسكر الا بالتوحيد فلنتوحد كشباب ثورة وينضم وحدتنا من يريد بقانون الميدان والثورة والثوار وليكن شعارنا أيد واحدة فى حب مصر ..وأمامكم فضاء الفيس بوك يتسع للخلاف والنقد ولكن فى الميدان كلنا أيد واحدة يامصريين..ضد الفساد لا أخوانى ولا سلفى ..لا ليبرالى ولا علمانى ...لا مسلم ولا مسيحى ..مصرى وبس
ورغم انتقادى الشديد للأخوان وكل تجار الدين والمصلحنجية الا اننى لابد أن أكون ملتزم بقانون الميدان وأدب الثوار وقدسية تلك الأرض المرتوية بدماء أطهر شباب الأرض

و أحب أقول للجان الاكترونية وحزب الكنبة اللى هيبدأو ينتشروا ويمارسوا هوياتهم  فى شتميتنا أحب أقولهم ياللى بتشتم فى الثوار بطلبوا دايما انكم تشوفوا عكس اللى شايفاه عنينا
تاركين وقاحة الصورة و بتكلموا عن ما وراءها وكأنه واقع حتى ينام الضمير في ثبات عميق.. اصل دول قابضين .. اصل دول بلطجية .. يستاهلو هو ايه اللى نزلهم
استحلفكم بالله ان تراجعوا انفسكم فالشيخ الشهيد وطالب طب الشهيد ما كانوا يوما بلطجية ولا طلبوا يوما اجر ما فعلوه...راجعوا انفسكم فالحق بيٌن حتى لو انت شايفه ضعيف وواجب عليك الاعتراف بيه والضلال بيٌن حتى لو قوى وواجب عليك محاربته ....حتى لو بالكلمة ..

*وبقول لليائسين اللى عاوزين يفضلوا حاطين رؤسهم فى الرمال ويقولوا خلاص بلادكم ضاعت وانتهت أحب أقولهم بصوا للميدان هتلاقوه بيكتب أجمل بداية
*واللى بيقولوا علينا عملاء وخونة وقابضين  وبلطجيه وماجورين خليهم براحتهم .. احنا بردوا مؤدبين ومسالمين

بس احنا بردوا “مكملين

وأحب أقول للجميع انتبهوا مجلس العسكر اللى الثورة حماته مش هو اللى حماها انهم بيعملوا بشتى الطرق انهم يأجلوا الانتخابات أكبر وقت ممكن طول ماحسنى عايش وطول مالسه ليهم مصالح خايفين عليها , وهيحاولوا يطبطبوا على جماعتهم ويحلوا وزارة الجنزورى ويسيبوا الحرية والعدالة تشكل الحكومة بس فيه وزارات محدش هيقرب منها غير مجلس العسكر وعشان يحرموا المظاهرات بما لايخالف شرع الله وهتكون بحجة ان الدستور مش جاهز وان ولاد ابو اسماعيل عامليين قلق وفيه انفلات أمنى فيجب على كل مصرى بيحب البلاد الانتياه لان قوتهم بتستمد من ضعفنا ..اللى يحب مصر مايخونش مصر
الله...............الوطن..........................الثورة
fawzy elrashidy

مكمليين

راجع لبلدى ..راجع لميدانى

حبيت اوصل رسالة بالفديو دا اننا عارفين من هو عدو الثورة ..بس عارف عدوى وهاحاربه وعارف اللى عامل صاحبى وهآحذر منه لانه اخطر من العدو الواضح ..ولكن فى الميدان هكون مع اللى عامل صاحبى يمكن لما يشوف دمى يحس على دمه

Fawzy elrashidy

أنا والثورة على أخويا

أنا والثورة الحق على أخويا حتى يعرف اخويا ان الثورة لينا احنا الاتنين وانا بكدة بنصر أخويا لان الثورة هتعمله حريه وكرامة وعدل فنصرت اخى وهو ظالم لنفسه. وعلشان بس عارف الفلاليط هيقولوا أنصر اخاك ظالم أو مظلوما أحب اقولهم انصر أخاك ظالماً أو مظلوماً، فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره.
اتمنى يكون المعنى واضح منعا للجدال وخلاص لان عندنا ترزية احاديث ماشاء الله عليهم , المهم

فى جمعة النصب على الثورة من الاخوان والخلاف العائلى بين العسكور وجماعته ,  الاخوان نازلين يحموا ثورة احتفلوا بنجاحها وتحقيق أهدافها !!!

الاخوان فى المليونية بتاعتهم  بيفكرونى بواحد حرامى سرق شنطة بعدين اتسرقت منه قام راح يبلغ عنها

مازلت اتعجب ...
الى الان .. ومنذ حكم الاخوان .. جميع قرارتهم خاطئه فلماذا العناد اذا .كان بعضنا يتصور انهم اكثر خبرة واكثر ذكاء واكثرة احتكاك بالحياة السياسة واتضح فيما بعد ان .. كل قرارات مكتب الارشاد خاطئة وان رؤيه و ذكاء شباب 6 ابريل اكثر حنكه ودهاء منهم فمن يستحق البرلمان اذا, وأنا لست فى موضع حكم على أحد ولكن الافعال هى التى تحكم على الرجال وليست الأقوال المرصعة بالعسل المدسوس بداخله السم

هل ممكن حد يصدق الاخوان تانى؟ طيب كانوا فين فى محمد محمود وقالوا علينا بلطجية ومخربين وعجلة الانتاج , طيب كانوا فين فى ماسبيروا ولما الجثث اترمت فى النيل وفى الصحرا بعد ماندهست , طيب كانوا فين فى مجلس الوزرا , كانوا فين لما عروا البنت المسحولة بكلامهم , كانوا فين من مذبحة بور سعيد , أوك فيه ناس بتقول ننسى اللى فات وانا واخويا على ابن عمى وكلام عاطفى مينفعش فى الثورات ولا الحقوق والمفروض انا والثائر على الحق حتى لو كان على اخويا نفسه مش على ابن عمى بس

لكن أوك ممكن اتغاضى وأحاول أصدق مع انى عن نفسى لا يمكن أصدقهم ولا آآمن لهم لانى قارىء جيد لتاريخهم على مدار ال 80 عام وهى عمر الجماعة , لو علشان اصدقهم واحاول اخد نبذة من الفكرة انهم جاديين حتى ولو واحد فى المليون يعملوا الآتى حتى يثبتوا حسن نواياهم 1/ سحب مرشحيهم من السباق ويكونوا على عهدهم بانهم مش هيكون لهم مرشح رئاسى

2/ يجتمعوا مع القوى الوطنية ويتم الاتفاق على مرشح رئاسى مدنى او مجلس رئاسى مكون من 4 أو خمس أفراد رئيس والباقى مستشاريين بحيث يغطى كافة الاطياف للتصدى للفلول وغيرهم

الاعتذار للثورة والثوار اللى قالو عليهم بلطجية وبياخدوا ترمادول ونزلو هما يطالبوا باللى الثوار بيطالبوا بيه من 14 شهر 3/ العمل بجدية لتفعيل لجنة دستورية مكونة من كافة اطياف الشعب المصرى وينسوا حكاية احنا الاغلبية لان الدستور مش بالاغلبيه الدستور بالمشاركة من جميع مؤسسات الدولة وجميع اطيافها لانه هو رخصة البلد اللى هتمشى بيه على الاقل مائة عام.

وباقى الطلبات تفعل مع كافة القوى الثورية من استرجاع حق الشهداء والعمل على تفعيل قانون الغدر بجدية على كل من افسد الحياة السياسية وباع دم الشهيد لان قانون العزل اللى عملتوه دا غير قانونى اصلا ومش هيفعل لان قانونا بعد موافقة مجلس الشعب بيروح القانون على مجلس العسكر وفى خلال 30 يوم يرد بالموافقة او الرفض على مجلس الشعب وبالتالى هيكون يوم 26 ابريل فات وتكون نزلت اسماء المرشحين وسجل من سجل ورفض من رفض وبالتالى مفيش طعون ودا الدستور اللى انتم قلتم عليه نعم ومازالت نعم بتاعتكم نعانى منها وانتم اول من لسع بنارها .

والميدان لكل المصريين مش لطائفة ولا حزب ولكن المصرين بجد والثوار بجد أتمنى والامنيه صعب تحقيقها وحتى وان مر الجمل من خرم الابره فلن يصدق الاخوان ولكنها مجرد أمنيه ان ترجعوا حقا للصف الثورى دون تعالى على الثوار الحقيقين وعموما كلنا نازلين يوم الجمعة 20 أبريل من اجل مصر فقط اتمنى ان ننسى الجماعة والمرشد وتنزلوا بقناعة ثورية مش أمر مرشد لان الثائر بينزل بقرار ثورى ويخرج من الميدان بتحقيق ثورتة ولكن اللى بينزل بقرار مرشد هيخرج بردو بقرار مرشد
ونصيحتى للجميع أحذروا عمرو موسى واحمد شفيق فهم الاخطر على الساحة بعد الاخوان اذا رجع الاخوان فى حضن الثورة بعد استكمالهم لشروط الرجوع وبرده حرص من صاحبك ولا تخونه  وفى حالة الاخوان حرص وخونة حتى تسلم من لدغاته , احذروا اجمد شفيق وعمرو موسى وان لم تجد قانون لاقصاءهم من الانتخابات فيجب اقصاءهم فى الشارع وفى الصندوق مع رقابة دوليه أو على الاقل ثورية على الانتخابات

المهم احنا نازليين للاسباب دى فمن معها اهلا بيه ومصر للجميع
اما موضوع نزولنا الجمعة 20 ابريل عايز تعرف ليه انا نازل،،،حاضرهقولك.

* نازل علشان اطالب بمحاكمة مبارك،اللى يعتبر اول مسجون اشوفه فى العالم يعمل معاملة الملوك،اول مسجون يبقى مقيم فى مستشفى 5 نجوم ،المسجون اللى تطبق عليه شروط السجن فقط فى العلاج الـ 5 نجوم،المسج...ون اللى هيشجع كل الحرامية الكبار انهم يسرقوا، ما هو اللى بيتسجن بيقيم فى شرم يتعالج هناك دلوقتى.

* نازل علشان اطالب بسرعة استرداد الاموال المنهوبة من كل الحرامية اللى فى السجون،الاموال اللى لولا سرقتها ماكنشخيرة شباب البلد سابوها وهجوا برة علشان لقمة العيش.
* نازل علشان اطالب بسرعة محاكمة نزلاء طرة وشرم الشيخ، اللى كل يوم نسمع عن اللى مراته اختفت، اللى معهوش فلوس، ومنهم اللى بيطلع وبياخد افراج كمان.
* نازل علشان اطالب بمحاكة اللى قتل اخواتى، اللى محدش بيجيب سيرتهم من الناس اللى على الساحة دلوقتى غير بالتعويضات.
* نازل علشان اطالب بضبط كل قاتل من 25 يناير،كل قناص من القناصين اللى معروفين بالاسم.
* نازل علشان اطالب بالتحقيق مع كل الضباط اللى قتلوا اخواتنا وسرعة محاكمتهم.
* نازل علشان اطالب بمحاكمة ضباط امن الدولة (الامن الوطنى الحالى) على جرايمهم وتعذيبهم للمعتقلين بدون وجه حق، ولسة لحد دلوقتى بيتعمل لهم حفلات تكريم.
* نازل علشان اطالب بتطهير جهاز الشرطة من القادة الفاسدين اللى فيه، اللى لحد دلوقتى مش قادرين يوفروا الامن والامان فى الشارع المصرى.
* نازل علشان اطالب بالافراج عن المعتقلين اللى اعتقلوا من بداية احداث الثورة، وكل ذنبهم انهم حسوا ان اخيرا يقدروا يتكلموا من غير ما يخربوا ولا يدمروا حاجة.
* نازل علشان تطهير الاعلام ككل، سواء المقروء او المسموع او المرئى علشان الضلال اللى بسببهم الشعب بيخبط فى بعضه.
*********************************************************
لا نازل علشان اخرب ولا اكسر ولا اضر حد، واللى هشوفه بيعمل كده انا بنفسى اللى هوقفوا عند حده....
لا هدمر الاقتصاد ولا هخرب الشوارع
نازل اجيب حقى المنهوب، واللى مش عايز ييجى معايا بقوله خليك، انا هجيبلك حقك، زى ما جبته لغيرك فى 25 يناير

وفى النهاية اتمنى  الخير لمصر وثوارها والثورة مستمرة فى كل الظروف وكل الاحوال بأخوان او من غيرهم وطول مافيه شباب لايهمه الا مصر فمصر بخير وولاده ولاد أحرار

الله ..................................الوطن.....................................الثورة

fawzy elrashidy

فلان الفلانى

كلنا أيد واحدة

fawzy elrashidy

يلا نكمل ثورتنا

بداية مش عاوز أكون متشائم لكن مفيش أفضل من الواقع واننا نحط أيدنا على الجرح علشان يطيب لكن طول ما أحنا بنتكلم وخلاص ونقول والله احنا تمام ونمشوا جنب الحيط , يبقى هنفضل فى جروح وجرح يلى الآخر , لازم نعرف ونفهم اننا عملنا ثورة حكى بها العالم ولكن تم اغتيالها تماما وكأنها لم تكن سوى اننا احنا الثوار الجزء الوحيد الخاسر من الثورة منا من مات ومنا من فقد جزء من جسده وربح الخاسرون فى الآخرة .
ولكن احنا لسه فينا عقل بيفكر وأيد بتكتب وتقاوم وصوت بيهتف يبقى نحيى أجسادنا من جديد ونستعيد ثورتنا مازال فينا نفس يبقى احنا لسه عايشين وكم من أناس ماتوا ولكنهم أحياء وكم من أحياء موجودين ولكنهم موتى .
ثورتنا اغتيلت من الأخوان والعسكر باتفاقات مبرمة وممنهجة على اجهاض الثورة لأغراض شخصية ومناصب لاتسمن ولاتغنى من جوع لانها زائفة عملوا جميعا على اغتيال الثورة على الطريقة الرومانية ولكن ثورة رومانيا انتهت وثورتنا مازالت فى ايدنا فى ايد الشعب لم تنتهى بعد بل لم تبدأ بعد,
أى عقل ممكن يقبل أو يقول ان اللى عملنا الثورة ضدهم بيترشحوا تانى لقيادة البلد طيب واخويا وصاحبى اللى ماتوا , ماتوا ليه علشان حسنى يروح المركز الطبى ياخد فترة نقاهه ما لهذا الاستخفاف بالعقول , ياسادة احنا مكنش فيه تار شخصى بينا وبين المخلوع احنا قمنا بالثورة وضحينا بكل ماهو غالى من أجل ازاله فساد كامل لاقتلاعه من جزورة معملنهاش من اجل ان البلد تتنقل من مكتب السياسات لمكتب الارشاد كمان ,  اذا كان مجلس الشيوخ المصرى المزور بيجعر وعامل هيصة لاصدار قانون العزل السياسى . أين كنتم قبل ذلك حينما طلب الثوار بذلك ووقفتم ضد رغبتهم ولا دلوقت علشان الحاجة دى وقفت ضد مرشحيكم ومصالحكم . المفروض يكون فيه قانون عزل على كل ماهو فاسد وخائن على الفلول واللى كانوا بيساعدوهم وبيتفقوا معاهم , على كل من هو أجهض الثورة واغتالها .
عمر سليمان وشفيق وعمرو موسى وفلول الاخوان يجب اقصاءهم من الحياة السياسية فهؤلاء جميعهم من يعمل لصالح نظام فاسد أو جماعة متطرفة تتاجر باسم الدين , وهذا الاقصاء مش هيتم واحنا بنشتم أو بنحرق فى دمنا على الفيس وتويتر وخلاص دا مجرد توصيل صوت لكن لازم أرض الواقع لازم يعرف الجميع خطورة الناس دى وخطورة تمرير الدستور النووى المسمم لانه هيكون سيف على رقبة الشعب هيدبحونا ويغتالوا احلامنا بالقانون .
مطلوب رجالة تكمل الثورة وترجع حق اللى مات هما ماتوا عشان احنا نعيش يبقى احنا نعيش عشان نجيب حقهم والا نروح لهم ونقولهم معلش مطلعناش رجالة سامحونا
مطلوب رجالة تكمل الثورة , سيبكم من كل واحد فل ولا اخوانى طالع يقولك لو فلان نجح هننزل ولو علان امه طلعت امريكيه هننزل دول بينزلوا لاغراض شخصية هذا من اجل كرسى واخر من اجل شخص او جماعة او مجموعة كراسى
لا يحمى الثورة الا الثوار الحقيقين اللذين يبتغون مرضاة الله والوطن
لابد من تكاتف جميع الثوار لازم الاول ننزل الشارع نعرف الناس بالفلول وبخيانة الاخوان لازم نوصل لعقل كل انسان نفهموا باسلوبه هو دا اولا , ثانيا نجهز للثورة القادمة والاهم اننا عارفين مين معانا ومن علينا بالمختصر هى ضد العسكر والاخوان لانهم وجهان لعملة واحدة ولا يلدغ المؤمن من جحر مرتين
أيها الثوار استعدوا , اشحنوا ثورة , فنحن فقط القادرون على استكمال ثورتنا ماحك جلدك مثل ظفرك , احنا اللى ماسكين النار وحاسين بيها وهنكمل حتى تتحول نارنا الى جنة ان شاء الله
لابد من استكمال الثورة بكل ما أوتينا من قوة ونعمل سويا على تحقيق أهداف الثورة المعلومة للجميع منذ 25 يناير 2011 وهى عيش حرية عدالة أجتماعية التى لم تتحقق الا للفلول وبائعى الضمير والدم والثورة , واضف على تلك الأهداف محاكمة كل رموز الفساد وكل من أفسد الحياة السياسة وكل من سفك دم شاب مصرى , والافراج عن كل شباب الثورة المعتقلين الذى وصل عددهم الى 12 ألف بطل , وحل مجلس الشيوخ المصرى الذى جاء سيرا على دماء الشهداء ولم يصور الأبطال الا كبلاطجة , واختيار رئيس مدنى منتخب أو مختار من قبل لجنة تأسيسة تمثل كامل أطياف الشعب المصرى , وعمل دستور مصر يضم فقهاء وخبراء القانون الدستورى بمشاركة كافة أطياف الشعب بجميع مؤسساته , شجب كل ماهو فاسد قبل الثورة وتبنى مصر من جديد بمشاركة شبابيه ثورية وخبرة وحنكة علماء وشرفاء الوطن وتطهير الداخليه من بلاطجة العادلى واختيار الكفاءات الشريفة , وتغير المادة 28 من الدستور , تلك هى أبسط حقوق الثورة , فالثورة ياسادة مش وجهة نظر وحقوقنا غير قابلة للتفاوض
وندائى لكل شاب مصرى لكل انسان مصرى , البلد فى أمس الحاجة لنا فلا تخزلوها اعطوها تعطيكم
يادكتور برادعى يامن قلت فى شباب مصر انك معجب بهم وان شباب مصر يتمتع بذكاء وحيوية ورغبة فى مستقبل أفضل ومعهم سيصبح الحلم حقيقة , يادكتور ها فقد حلمنا كثيرا وجاء وقت تحقيق الحلم فنحن كتفنا بكتفك ونحن لها قادرون
ياشباب 6 أبريل العظيمة يا رجال اأولتراس يارجال حركة كفايه يا كل شاب مصرى مصر تناديكم فلبوا النداااااااااء كما لبيتموه من قبل , وأتركوا الأحزاب الكرتونية لكراسيهم وصفقاتهم واتركوا الساسة لنفاقهم .
مصر فوق الجميع ولم ولن تتغير الا بثوارها الأحرار ......قاااااااااااااااااااااااااادمون
اسالوا الله العون على أنفسكم كما تسألون النصر على عدوكم

الطريق إلي 25 يناير -وثائقي

         www.ikhwan.net/forum/showthread.php?153899...25...

الله.........................الوطن................................الثورة
fawzy elrashidy

fawzy elrashidy

جـمـاعة الفـلول الاخـوانية فى رقصة الرئاسة المصرية

وبعد 14 شهر ثورة جايين يقولولنا اختاروا الرئيس من العسكر والفلول وتجار الدين ونسى العسكر ان مصر دولة مش معسكر ونسى الأخوان ان مصر مش ولايه ولا خلافة مصر مش خيمة ومعزتين ولا بلد الآوس والخزرج علشان يجيلنا تاجر دين نفردله السجادة ونصلى وراه ركعتين احنا مسلمين من 1500 سنة .
مصر مش معسكر وشعبها عساكر علشان يجيلنا نجمتين ونسر يختمنا على قفانا ويحبس حريتنا تانى بعد ماحاولنا نفك الآسر اللى بقالوا 60 سنة .
مصر لن تكون عسكرية حتى يتحكم فينا عسكرى بقوة السلطة والسلاح , مصر لن تكون طائفية دينية حتى يحكمنا شيخ بقوة السلطة وسلاح الفتوى اللى هى اشد من ضرب الرصاص لان لما تكلمه يخرج علينا بتفصيلة على هواه من القرآن والاحاديث ويقولك قال الله وقال الرسول وليس بعد الله ورسوله كلام وليت الكلام فى موضعه ولكنهم ترزية قرآن واحاديث

ازاى بعد ثورة قامت لتطهير البلد من الفساد وراح فيها أطهر شباب مصر , كل اللى عملنا الثورة ضدهم راجعيين من تانى يمسكوا البلد أوك أنا موافق بس بشرط ارجعوا امسكوا البلد بس ترجعولنا كل شهيد مات لو تقدروا يبئى حلال عليكم مصر لو مش هتقدروا انسوا تاخدوا البلد من أيدينا تانى .
وفجأة الكل اكتشف انه ثورى كل فل من الفلول طالع يتكلم باسم الثورة والثوار عمر سليمان المشرف العام على موقعة الجمل طالع محسسنى انه آدمن كلنا خالد سعيد , والشفيق أحمد فريق بلوفر محسسنى أنه هو الشهيد خالد سعيد , وعمرو موسى حامى حمى مبارك وفساده فى الخارج على مدار 20 سنة جاى يقولك انا اللى هجيب حق الشهداء وكأنه عضو فى حركة شباب 6 أبريل العظيمة , وعبدالله الأشعل سفير جهنم سفير المخلوع جاى يقولك انا جاى أحمى مصر هأاو ياواد مازينجر , ومرتضى سيديهات هيطلع سى دى لكل واحد فى الشعب اصل مصر ناقصة هبل , والأدهى والأمر جماعة الأخوان المتآسلمة المحظورة سابقا المحظوظة حاليا فجأة اكتشفت ان فيه ثورة وان الثورة بيتم اجهاضها وان الفلول مترشحين ونسوا انهم أول ناس باعوا الثورة وأول ناس كانوا ضمن الثورة المضادة وأول ناس قالو نعم للاستقرار واستقرينا على موت الثورة وعلى ضياع حق الشهيد, وفجأة وقد اكتشفت جماعة الإخوان فجأة إيها السادة (أي والله العظيم فجأة) إن لديها خيرت الشاطربتاع غسيل الأموال وميشيليات الازهر،بيفكرونا في مشهد مماثل لاكتشاف اللمبي أن الختم في الدرج، فاعتقد كلاهما أن ما اكتشفاه مصدر قوة وسلطة، فراح اللمبي يختم على أي ورقة، وراحت الجماعة تختم على كل قفا,ودلوقت بيرمولنا بمحمد مرسى الى جاى الدنيا ميعرفش ليه وكأن المحظورة لازم حد فيهم وخلاص المرشد بديع عاملى فيها كوتش بيغير بمزاجه ماهى مصر لعبه طلع الشاطر نزل مرسى باقى له كمان تغير وقالك مش هارشحوا حد راحوا رشحوا اتنين .
 ,واللى يضحك أكتر ترشيح صفوت حجازى مرشح الجماعة الاسلاميه بتاع شقة العجوزة اللى رمى المحصنات بالباطل ورمى شباب 6 ابريل زوور وطلع بعدها يقولك اصل العلبه فيها فيل ولا يمكن عشان كان فى الميدان وقالك انا الثورة انا أسد قصر النيل ولو الكراسى بالمشاركة فى الثورة يبئى ندى لكل أم شهيد 20 كرسى فى مجلس الشعب لان راح منها فلذة كبدها وندى الرئاسة لدكتور أحمد حرارة أو رضا عبد العزيز
مش فاضل غير 3 مرشحين بعد خروج أبو اسماعيل وأيمن نور ورغم اننى مقاطع الانتخابات دى لانها مزورة مسبقا طول مافىيه المادة 28 وطول مافيه عسكر وأخوان وشاى بالياسمين , مش فاضل غير 3 مرشحين ياريت الشعب يختار منهم وهذا ليس حجر على الآراء ولكن مصلحة البلد بين هؤلاء بعد خروج دكتور البرادعى , خالد على , حمدين صباحى

بالوثائق: خطة الاخوان لفتح مصر!! بالتفصيل
http://mmeabed.blogspot.it/2012/04/blog-post_06.html#!/2012/04/blog-post_06.html

للى هينتخب شفيق، او عمر سليمان، أو عمرو موسى ::
بإعتبار انك بترشح احد الحرس القديم الفاسدون السارقون القاتلون
اقرا دول للنهايه با برنس ، علشان ربنا هيحاسبك انك قراتهمشى
*** هتنتخب احمد شفيق ؟!!
- التاريخ الأسود لـ احمد شفيق
http://ahmedadly2008.blogspot.com/2012/03/blog-post.html
...
- سيادة الشفيق/ أحمد فريق رئيسا للجمهورية | ضباط من أجل الثورة
http://www.officers4revolution.com/2011/10/22/ahmed-shafiq/
- شفيق كما يعرفه ضباط الجيش والعاملين بوزارة الطيران-فاسد ويجب التحقيق معه فى البلاغات المقدمة ضده للنائب العام المتواطىء ومحاكمته
https://www.facebook.com/note.php?note_id=168375173257479
*** ولو غيرت رأيك وهتغير على عمر سليمان
حقيقة عمر سليمان الخائن......نحن لانخاف منه أو من غيره وهخلعنا سيده نخلعه ونخلع اتخن منه ولكن اذا مات السيد فاقتل كلبه لان لايكون ولاءه الا له
http://ahmedadly2008.blogspot.it/2012/03/blog-post_26.html

- التاريخ الأسود لـ عمر سليمان " الطرف التالت "
http://ahmedadly2008.blogspot.com/2012/03/blog-post_26.html
- ملف فساد المخابرات العامة المصرية فى عهد مبارك وعمر سليمان و من بعدهم مراد موافى ومصطفى البحيرى بالأدلة والصور
https://www.facebook.com/note.php?note_id=143817249046605
- دكتور عبد الحليم قنديل : سلسلة مقالات بعنوان (أفضحـوا عمر سليمان ) لـن يحكم مصر عميل صهيونى إلا على جثـث الشـرفاء
الجزء الأول : https://www.facebook.com/photo.php?fbid=213113052122618
الجزء الثانى : https://www.facebook.com/photo.php?fbid=213533145413942
الجزء الثالث : https://www.facebook.com/photo.php?fbid=215015515265705
- التاريخ الأسود لعمر سليمان لمن يريد ترشيحه رئيسا لمصر
http://aqlam-egypt.blogspot.com/2011/08/blog-post_17.html
*** ولو نويت تغير وتروح على عمرو موسى
عمرو موسى .. تاريخ من التحول والنفاق .. انشرها بقدر كرهك للفساد
http://ahmedadly2008.blogspot.com/2012/03/blog-post_05.html
فضائح النصّاب السياسي "عمرو موسي".. الملف كاملا!
http://resbikt.blogspot.com/2012/03/blog-post_962.html
*** وياريت بقى تبطل تتفرج على مصطفى بقرى
- التاريخ الأسود لمصطفى بكرى .. انشرها وافضح هذا المنافق
http://ahmedadly2008.blogspot.com/2012/02/blog-post_21.html
- توك شوز : في مدرسة مصطفى بكري: عارض يعارض تعريضا
http://www.youtube.com/watch?v=kWja2ZNY6Lc
*** والختام المسك بقى
جانب من فساد المجلس العسكرى (صور قصور وأراضى قادة المجلس وكيف تحولوا لميارديرات فى عهد المخلوع)
https://www.facebook.com/note.php?note_id=151642318264098

مصر بين الفلول والمحظورة ومسكنات والضرب ع القفا
 وفى النهايه أحذرو الفلول والعسكر وتجار الدين افتكرو الشهدااااااااااااااااء , لسه الثورة فى أيد الشعب .الثورة مش وجهة نظر ودم الشهداااااااااااااء غير قابل للتفاوض  اللى يبيع اللى مات يبيع اللى حى واللى يبيع اللى فات يبيع اللى جاى
الثـــــــــــــــــــــــورة مستمرة ياولد موتك بيحرر بلد ودمك اللى بيروى الأرض بتطرح بطل زيك
الله....................................الوطن...................................الثورة
fawzy elrashidy

فيديو يوضح خيانة الاخوان ونفاقهم على مدار 14 شهر من الثورة

بديع اكتشف فجأة ان عنده الشاطر خريت زى اللمبى مااكتشف ان الختم فى الدرج

أولتراس أهلاوى....جناح الحرية

 فجاءت المؤامره لضرب كافة العصافير من فوق الشجره بكل الحجاره،،
تحية حب وتقدير لكل شاب مصرى ينتمى لشباب أولتراس أهلاوى , شباب رجالة كل ذنبهم حب شىء جميل فى مصر هو  النادى الاهلى
والأهم هو حب مصر شباب وطنى الاولتراس رجالة أحرار وقفو مع الثوار, شباب جدعان أبطال , ربنا ينصرهم وكل المحترمين الوطنيين المحبين للبلد , وياريت الشعب المصرى البسيط الطيب يفهمكم صح لأن الأعلام القذر التابع لذيل العسكر ومنافقى الأخوان وفلول الحكم السابق شغالين تشويه وتخوين عليكم وأنتم أشرف منهم جميعا وان ينصركم الله فلا غالب لكم.
شباب أولتراس أهلاوى دائما مع الثورة ومع القضايا الوطنية دون النظر للشو الاعلامى أو المكاسب المادية أو المناصب الزائفة وهذا ليس بجديد فناديكم الذى تننتمون له هو نادى الزعيم الوطنى سعد زغلول وأنتم على الدرب سائرون من ينكر مواقفكم الوطنية مع الثورة , من ينكر مافعلتموه يوم موقعة الجمل من ينكر ذلك كمن يريد أن يحجب الشمس بغربال أوينكر وجودها أصلا أو كمن ينكرمرور المياه فى البحار , فكل ذنوبكم أنكم شباب مصرى وطنى أصيل ومن أجل ذلك دبروا لذبحكم فى موقعة بور سعيد بتخطيط قذر وتنفيذ أقذر وأرادوا أن يجعلوا من بور سعيد موقعة حربية لهم ولكن ذكاء شبابكم دائما سباق ليرى مايفعله الآفاعى من داخل الجحور.
ان مذبحة بورسعيد ليست مجرّد إشتباك في مباراة كرة قدم،، بل كانت رساله وإنتقام وتصفيه لعناصر خطره قررت فضح الجهتان "العسكر والداخليه" فكان الرد ما رأيناه،،
ولكن الثوره مستمره والعسكر سيعودون ثكناتهم والداخليه ستتطهر وحق الشهداء سيعود وأهداف الثوره ستتحقق،،
والجيش والشعب مش إيد واحده ياحماة مبارك وموقعة الجمل التي حدثت علي مرأي ومسمع منكم والشهداء الذين سقطوا خلال الثوره أمام أعينكم ودمائكم البارده،،
اصدقائى شباب أولتراس اهلاوى فانتم البدايه التي قد تبدأ لنهايه الفساد والهمجية وقبح الداخليه وهيمنة المتآسلمون قد يأتي يوماً ينال منهُم الزمن في غفله من القَدَرْ ليحرر الأكبال وُحطِّم الغلول عن الثائرين علي الظُلم في بِقاع الجحيم المختلفه،،إبتسم أيها الاولتراسى الاهلاوى ايها الثائر في وجه الموت الذي قد يحتضر حين يري غليان قلبك المُحترق ظُلماً من حُكّام آبَتْ أن تتعلم من التاريخ عِظه أو تأخذ من الماضي عِبره،،حان وقت الصِراخ،،آن موعد السِباق فأنتم اصدقائى الشباب الثائرون دائما الرابحون ان حييتم ,حييتم كراما وان استشهدتم فانتم عظاما فانتم جبش العدل وجيش القصاص ولابد ان يكون الجميع من ورائكم وبجواركم فانى أقبل الأرض من تحت أرجلكم لانكم ثائرن تشجعون ناديكم وتدافعون عن وطنكم فلقد أرادوا من قبلكم تشويهه شباب 6 أبريل العظيم وتلك ضريبة الشرفاء الأحرار ولكن أنتم كواثقى الخطوة يمشى ملكا .

والى لكل من يروج الاشاعات عن الأوتراس أهلاوى كما يروجوها على ماهو كل شىء جميل اود ان اعرفهم معنى اولتراس وكيف نشأت حتى تخرص ألسنة الجهلاء
أولتراس (Ultras) هي كلمة لاتينية تعني الشيئ الفائق أو الزائد، وهي فئة من مشجعي الفرق الرياضية والمعروفة بانتمائها وولائها الشديد لفرقها وتتواجد بشكل أكبر بين محبي الرياضة في أوروبا وأمريكا الجنوبية. أول فرقة ألتراس تم تكوينها عام 1940 بالبرازيل وعرفت باسم "Torcida"، ثم انتقلت الظاهرة إلى أوروبا

المبادئ الأساسية الأربعة للألتراس
1- لا يتوقف الغناء أو التشجيع خلال المباراة، ومهما كانت النتيجة.
2- يمنع الجلوس أثناء المباراة.
3- حضور أكبر عدد ممكن من المباريات (الذهاب والإياب)، بغض النظر عن التكاليف أو المسافة.
4- يظل الولاء قائم للمجموعة المكونة (عدم الانضمام لأخرى).
مجموعات الألتراس تعتمد على التمويل الذاتي ولا يجوز بأي حال من الأحوال أن تقبل الألتراس أي إعانة من أي مصدر، والتمويل الداتي يتم من خلال بيع منتوجات الألتراس مثل تي شيرت و الأشاربات والقبعات إلخ،

وبعد كام شهر من مذبحة بور سعيد مازال البحث جاريا عن القصاص الذى ضاع بين ادراج السياسين وقدم اللاعبين الذين صمموا على قتل الروح المعنوية والثقة لدى الشباب الاولتراسى فى لاعبيهم ومجلس إدارتهم الاهلاوية كما تم محو الثقة فى إدارة البلد السياسية وكان من الممكن إلغاء مبارة السوبر بين الاهلى وإنبى لكن اصحاب الاعلانات والفضائيات لا يقدرون دم الشهداء قدر مسؤليتهم عن ملأ الجيوب ...ولكن شباب أولتراس شباب ثورى حر ومكمل المشوار وهيرجع حق اخوه اللى مات اكيد ...لأنهم اصحاب قضية وليسوا أصحاب مصالح ولا كراسى موسيقية تتأرجح على دماء الشهداء

المدرج حته منى ... عرفت فيه طعم الحياه ...المدرج حته منى ... فريقى هكون دايماً معاه ...
 معرفش كلمه هي فرجه أوام بتخلص في ساعات ...دى حياه هفضل عايشها لحد يوم ... يوم الممات ..شمروخ بيولع جون بنفرح هي لحظة أحتفال ... حكومه تمنع إعلام بيشتم لا يوم شكينا عشان رجال ...أحبسونا و أمنعونا البعد عن الأهلى محال ...يابان سافرنا في جاروا كنا ... في تونس كنا مولعين ...حفله و عملنا دخلات رسمنا ... كشفنا تاريخ الهمجيين ...أوووولتراس أهلاوي هي دي حياتنا ...أوووولتراس أهلاوي صعب تسمع في يوم سكوتنا ...يوم ما أبطل أشجع هكون ميت أكيد.............رحم الله شهداء أولتراس أهلاوى وكل شهداء الثورة
تحية حب وتقدير واعتزاز بشباب الثورة شباب جيش القصاص العادل ,شباب العزة والكرامة , رجالة أولتراس أهلاوى ,
الثــــــــــــــــــــــــورة مستمرة
fawzy elrashidy

ياغراب ومعشش غناها رجالة أولتراس لكلاب الداخلية

                                           من أجل ذللك ومن أجل تلك المواقف الوطنية تم اغتيالهم

حرية

ياغراب ومعشش غناها أولتراس أهلاوى لكلاب الداخلية

 fawzy elrashidy

شــكرا شـباب 6 أبـريل

فى عيد ميلاد 6 أبريل الرابع لا أجد أى كلمة تفى حق هؤلاء الشباب الحر الذى لاقى كثير من الاتهامات الباطلة دون ان تهتز ثقتهم بانفسهم ودون ان يستغلوا قوتهم وشجاعتهم للسعى وراء مناصب أو كراسى ,شباب جعل من دمه خريطة لرسم حدود الوطن ومن جسده طريق لعبور الحرية والكرامة ,شباب صنع قطار الثورة منذ أن بدات فى عام 2008 فى اليوم السادس من أبريل وأستكملو طريق الحرية حتى يوم 25 يناير, وأخذوا فى قطار الحرية والكرامة كل شاب وشابة يريد تحرير البلد من القمع والفساد ,مكملين فى طريقهم لاتهزهم لومة لائم ولا نظرة جاحد , , فهم شباب حارب الفساد فى عز جبروتة وقوتة , وتلك هى الشجاعة أن تحارب عدوك  وهو فى قوته حتى تظهر قوة وبسالة وشجاعة شباب الحرية والكرامة شباب رفض الذل شباب 6 ابريل فهم يعملون دون مقابل من اجل صالح هذا الوطن ....تحياتى أصدقائى الكرام

.حركة شباب 6 أبريل هي حركة سياسية مصرية معارضة ظهرت سنة 2008.أنشأها بعض الشباب المصري. ظهرت في الساحة السياسية عقب الإضراب العام الذي شهدته مصر في 6 أبريل 2008 بدعوة من عمال المحلة الكبري , وتضامن القوى السياسية فتبناه الشباب وبدؤوا في الدعوة إليه كاضراب عام لشعب مصر, أغلب اعضاء الحركة من الشباب الذين  لا ينتمون إلى تيار أو حزب سياسي معين وتحرص الحركة على عدم تبنيها لأيدلولوجية معينة حفاظا على التنوع الأيديولجي داخل الحركة ولما تفرضه ظروف مصر من ضرورة التوحد والائتلاف ونبذ الخلاف  حركة شباب 6 أبريل من الأوائل في الدعوة إلي ثورة 25 يناير. وفي سبتمبر 2011 ترشحت الحركة لجائزة نوبل في السلام , ولكنها تهدي الترشح للشعب المصري مشيرة إلى إنها أقل بكثير من الشعب المصري الذي ضرب المثل في تحضره بثورته وعلم العالم كله كيف تكون الثورة السلمية

فلسفة الحركة
ترى 6 أبريل أن مطالبها وأهدافها تنبع أصلا من قناعتها باستحالة القيام بأي محاولات إصلاحية، وخصوصا مع رفض النظام الحاكم لأي محاولات أو آراء لتعديل أو تصحيح مساره.
 وتضيف أن هذا الواقع السيئ دفع لتشكيل تكتل شبابي (دون تحديد الشريحة العمرية) يحمل أفكاراً مبدعة ومتجددة تسعى للانتشار والتوعية وتحريك الأحداث السياسية وخلق أنشطة مبتكرة تعتمد الأسلوب السلمي للتغيير وتحقيق الإصلاح.
 ليس لهم أى وجود مصادر تمويل خارجي، وتم تلفيق قضية تمويل لهم بدون أ دليل وصدر بيان ببراءتهم من قبل مجلس العار ويكفى تلك الحركة فخرا انه لايوجد مستند أو دليل واحد يدينهم والا كان زمان اعداء النجاح اخرجوه من جعابهم وهذا اكبر دليل على شفايفة ونزاهة شباب 6 ابريل , وكما تؤكد الحركة صلتها بالقوى الأخرى على الساحة السياسية في إطار التعاون والتنسيق وتقبل وجود الآخر في سبيل تحقيق الأهداف العامة، وتؤكد رفضها لأي علاقة مع سفارة أو منظمة خارجية سوى مع المنظمات الحقوقية والدولية المحايدة.

الشكل التنظيمي
تتخذ الحركة شكل اللامركزية المنظمة، فكل مجموعة جغرافية لها نشاطاتها المختلفة وفق ظروف كل مجموعة وإمكانياتها واتفاق أعضائها، مع وجود إطار عام وخطة عامة واسعة زمنية يتم الاتفاق عليها عبر اللجنة التنسيقية التي لا تقوم مهمتها على فرض قرارات، وإنما على المتابعة والتقييم والاقتراحات وتأطير الجهود والمساعدات الفكرية والمادية والبشرية.
وتستند في نشاطاتها وتحركاتها -كما تشرح في بيانها على الإنترنت- إلى العمل التراكمى المؤثر سواء عبر أعمال التوعية أو الأعمال الاحتجاجية قصيرة المدى أو الأدوار الإصلاحية والحشد والدعوة لأحداث جامعة، ولنشر ثقافة الاحتجاج السلمي والضغط المستمر حتى التغيير الحاسم.
وتعمل الحركة على "التكوين المستمر لمجموعات العصف الذهني" وهي مجموعات تكون مهمتها إخراج الأفكار المبدعة والجديدة في إطار فكرة التغيير اللاعنفي، مع تجديد عناصر المجموعة دوريا.ومعتمدين فى نفقاتهم من جيوبهم الخاصة

وفى النهايه أحب اقول لأاجدع شباب فى مصر كل سنة وأنتم أحرار ثوار مكملين المشوار ومعاكم شباب مصر العظيم
تحياتى لشباب 6 أبريل جبهة صديقى أحمد ماهر وشباب 6 أبريل الجبهة الديمقراطية فكلاكما فى النهاية شباب مصر بجد شباب زى الفل زى الورد مثال جميل على الشباب المصرى فى جدعنته فى رجولته ووقوفه مع الضعيف فى شجاعته ووقوفه فى وجه الظلم فى اندماجه فى تسامحه واحتضانه لكافة فئات الشعب واننى قد تعمدت عدم ذكر اسماء اى من رجال وبنات الحركة حتى يجتمع الجميع تحت اسم واحد من اكبر هم الى اصغرهم , وهو اسم شباب 6 أبريل المصرى
زي النهارده ف ستة أبريل هبت رياح على وادى النيل وإتحرك النهر الراكد والمجرى ظهرت له روافد من ندهِتك يا شباب الجيل
زي النهارده ف ستة أبريل الصرخة شقِت صدر الليل رجعوا الشباب من عشاقِك وإتجمعوا ف عتبة بابك حالفين يشيلوا همومك شيل
 شباب 6 أبريل العظيم ......تحياتى واحترامى

fawzy elrashidy

                                                           فيلم قصير عن أحداث 6 أبريل

فيديو يحكى كيف تكونت حركة شباب 6  أبريل

fawzy elrashidy

المرشد العام فى مهمة سرية

ناس كتير بتقول انت بتهاجم الأخوان وانت ضد الدين وخلينا نجربهم وموتوا بغيظكم وشوية كلام كدة.
أولا أنا مش بهاجم أنبياء أنا بنتقد أشخاص وأفعال وأقوال..تعلمت فى دينى الاسلامى الذى اعتز به واحترم جميع الديانات الاخرى كما امرنى ربى تعلمت انا آيات المنافق ثلاث اذا تحدث كذب واذا وعد اخلف واذا أؤتمن خان وجميع الصفات موجودة فيهم وكما تعلمنا فى اسلامنا ..عن أبي سعيد الخدري - رضي الله تعالى عنه - قال: قال رسول الله صلى الله عليه وسلم:  من رأى منكم منكرًا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان  أخرجه مسلم. ومن واجبنا محاربة كل ماهومنكر والاخوان يفعلون الآن كل ماهو منكر للتعاليم الاسلاميه.
وبالنسبة ضد الدين لانتقادنا للاخوان او السلفيين احب اقولهم الدين الاسلامى مش اخوانى ولا سلفى, وهل أنتم ذكركم الله  فى قرآنه العزيز  أوذكركم محمد عليه افضل الصلاة والسلام فى سنته ولا دى عبارة عن بدعة منهم ...وهل يعلم السلفيين ان كلنا مسلمون و سلفىون لانه نسيرعلى نهج سيدنا رسول الله السلف الصالح والصحابه ...وان احنا لينا 1500 سنة مسلميين وان انتم يا جماعة متآسلمة اخدتم من السلف الصالح الدقن والجلبية والسواك فقط وماشيين على نهج على عبدالله صالح وليس السلف الصالح ...وهل الدين الاسلامى مش دين واحد فقط ولما هو كدة انتم ليه قسمتوا الدين لمجموعات اخوان وتلف وجماعات متآسلمة وجهاد وحركات ولا كل دا تقسيمات سياسية لاغراض شخصية .
وبالنسبة اننا نجربهم وهما ناس يعرفوا ربنا ..احب اقولهم مصر كلها عارفة ربنا ومصر مش حقل تجارب للاغبياء والجهلاء سياسيا يجربوا فيها ويخربوها اكتر ..وبالنسبة موتوا بغيظكم آه فعلا هنموتوا بغيظنا لأن اى حد عنده دم وبيفكر ويشوف مدى النفاق والكذب وبجاحة الوش لازم نتغاظ طبعا لاننا بشر مش قطيع هنسقفلكم  ونقول سمعا وطاعة ونبوس ايد واحد زى زيه بل ممكن اكون افضل منه عند ربنا والله اعلم .زمن لا تجادل يااخى على انتهى زمن الطاعة النووية قد ولى الا لمن اراد ان يكون قطيع فقط.دا انتم حتى بتستندلوا مع اللى كان بيطيعكم مثل كمال الهلباوى لما استقال لرفضه نفاقكم وبجاحتكم قلتوا عليه انه مش من الجماعة وهو المتحدث الرسمى ليكم فى الغرب ..دا غير ابو الفتوح فصلتوه لما قال هاترشح للرئاسة ورشحتم اللى فصله .
أحنا لما عملنا الثورة معملنهاش علشان نسلم بعد كفر أو ننقل البلد من مكتب السياسات لمكتب الارشاد .دوول شاركوا فى الثورة مع نزول الجيش من بعد يوم 27 لكن للامانه كان فيه شباب ولكنهم بقرارات فردية وتم التمسح بهم ان الاخوان شاركوا من اول الثورة ولو مكنتش نجحت كانوا فصلوهم وهما الوحيدين المستفيدين من الثورة حتى الآن وهم اول ناس باعوا الثورة وخانوها وجوه الميدان قالو لا لترثيع الدستور واول ما ديروا وشهم قالك نرقع الدستور ونعم للاستقرار اتاريهم كانوا بيخططوا وينفذوا من بدرى اوى ومستمرين فى استكمال الخطة القذرة والثفقة المشوهة التى ترسم بدماء الشهداء وتكتب على ارواحهم وأشلاء اجسادهم ,ألا لعنة الله على الخانين المنافقين بائعى الدم وتجار الدين
وفيه سؤال مهم جدا ليه جماعة الاخوان مش مسجلة قانونا طيب احنا كنا قبل الثورة بنقول الحكومة ضدهم ومش عاوزين يسجلوهم ليه دلوقت هما رافضيين ولا مش عاوزيين يدخلوا تحت بند المجلس المركزى للمحاسبات, ولا منتظريين يمسكوا المجلس دا ويهمشوه الاول ...ولما الحرية والعدالة بيمثل نفسة مع انه خرج من رحم الاخوان المتآسلمون ليه الشاطر خريت ترشح عن الجماعة ومش عن الحزب وليه هو جاله تكليف بالترشح من المرشد العام او المخبر العام ..وهما عاوزينا زى ايران يكون عندنا رئيس ومرشد ...طيب وولاء الشاطر شاطر هيكون لمين للجماعة ولا لمصر ..وازاى هيكون لمصر وهو بيقول مكنش عاوزها بس دا أمر أو تكليف واللى كلف ممتش ..ولو مسك الرئاسة من اللى هيدير البلد هو ولا المرشد ولا هيشوف شورى الجماعة
والمشكلة انهم مازالوا يلعبون على العقول البسيطة بقولهم الشاطر هو يوسف مصر ..اولا لا نقبل تشبيهه اى شخص بنبى ,,ثانيا انتم يامن تتكلمون باسم الدين متعرفوش ان سيدنا يوسف عليه السلام كان أجمل الانبياء هو الشاطر مش بيبص فى المرايا ولا أيه انا كل مأشوفه بعرف ان الانسان كان أصله قرد انا مش بعايب على خلقة ربنا بس عاوز اوريكم الفرق حتى فى الشكل ,,ونسيتم ان يوسف دخل السجن ظلما لما امرأة العزيز راودته عن نفسه وسجنه العزيز زوجها وقال يوسف ربى السجن أحب اليى ولكن الشاطر دخل غسيل اموال وارهاب ومليشيات الازهر ..دا انتم ناقص تقولوا سوزان راودته عن نفسه ,, تعلموا الاسلام اثابكم الله

وهل يعلم الشعب ماهو مشروع النهضة اللى بيقول عليه الشاطر خيرت ,,أنا اقولكم المشروع هو ان الشاطورة عاوز يبيع قناة السويس لمعنى عاوز يدى قطر حق امتياز قناة السويس لقطر ب 100 مليار جنيه ,, اعتقد الرؤية واضحة بكرة يبيع الاهرامات للسعودية كمان.واللى بيكدب على شعبه شو بنقولوا ....؟
الكذب والتحايل بما يخالف شرع الله
خرررريت الشاطر حصل على عفو صحى فى الفترة السابقة عن جريمة مخلة بالشرف ( غسيل أموال )، وطالب أقاربه ومحاميه بالإفراج عنه لما يتعرض له من ضرر البالغ وعدم قدرتهم على الاستمرار، نظراً لما يعانياه من أمراض، وقدم مئات البلاغات والمستندات والوثائق تثبت أنه مريض
وذلك مخالف لشرع الله تحايل على القانون وعلى السلطات المختصة بتقديم مستندات تثبت مرضه على غير الحقيقة، فيجب التحقيق معه فيما قدمه من وثائق ليتم الإفراج عنه، لأن الجريمة هى سرقة وطن".

وأحلى حاجة فى الأخوان المتآسلمين يقولك احنا مش طالبين سلطة بيفكرونى بالمخلوع الله يحرقه ومشاركة لا مغالبة ازاى مش طالبين سلطة بعد رئاسة مجلس الشعب ورئاسة لجنة الدستور والشورى واكتر من 30 شخص فى اللجان البرلمانية والكتاتنى اللى قايم بخمس ادوار اذا مكنش فيه جزء تانى ..والشاطر للرئاسة ..
كل دا مش طالبين سلطة ..أمال طالبين آيه يمكن طالبين القرب ولا طالبين دليفرى؟
وفى النهاية أتمنى أن تتعلموا الاسلام يا تجار الدين وأن تعلموا جيدا انكم تعيشون بمصر وليست مصر تعيش بكم ,و،أن لا تتكلموا باسم الثورة التى بعتوها وخنتوها ووصلتم الى ماانتم به على جثث ودماء الشهداء ...فان للثورة ثوارها الحقيقين وقادرين على حمايتها منكم ومن أمثالكم ..عودوا الى رشدكم وليس الى مرشدكم
الله ....................الوطن...............................الثورة
fawzy elrashidy

fawzy elrashidy