قلنا نعمل ثورة كانت ثورة طيبين
كانت ثورة شعب ثورة مصريين
والدم اللى سال ع الأرض مفهوش لا نوع ولادين
ثورتنا سلميه دخل غراب خطفها وعطاها للخاينين
دخل غراب البين أبو بدله كاكى
دخل غراب الثورة أبو دقن ملاكى
كان الشهيد يقول فداكى وهما بيدبحوه وكأنه فرخة بتكاكى
وكمان شوهوه وقالو عليه بلطجى ترمادوول كنتاكى
وبدأت الصفقات واتجمعوا الخاينين على قتل الطيبين
أولها استفتا قسمونا جنة ونار
طيب معاكوا توكيل ربنا ؟ الرحمة يا أهل الدار
وبدأت الحكاية لعبة الكراسى إتفاق أشرار
من ينسى ماسبيرو وقتل أخويا مينا مصرى من الثوار
ومحمد محمود مات الولد المصرى جورج مع محمود
ست البنات وايه وداها هناك وهى من الاطهار
بور سعيد راح كام شهيد دمهم عذب كالأنهار
مجلس الوزرا راح اخواتنا كلهم ابرار
وفى سينا جنود بتفطر بتعبد الواحد القهار
راحت بلعبة قذرة طبعا من الاشرار
كل اللى راح اخواتى كلهم ثوار
ياللى قسمتونا هى الاخوة دين؟؟ الاخوة وطن احرار
وفين المعتقلين دوول كلهم ثوار
ضحوا بحريتهم فى دولة الاشرار
آه على وطن سلموا مفتاحه لقط الكرار
يا للآسف راح مبارك جه مبارك بدقن
وكلمة فى دين وقص ولزق كلام كتير أشعار
وخرج جماعته من القفص جماعة الاشرار
وترك اللى ضحى جوه القفص طبعا لأنهم ثوار
ياللى كفرتونا وسرقتونا بإسم الدين وكتاب القهار
فاكريين لما نزلنا يوم خمسة وعشرين ونزلتم تمانية وعشرين
ولو التاريخ بينسى إحنا مش ناسيين
بس إحنا كنا ثورة ....ثورة طيبين
انتظرونا فى ثورة تانية جايه على الخاينين
على اللى باع وخان وقالوا ثوريين
ومصر راجعه تانى بس للمصرين
مش لعسكر أو جماعة طز فى مصر
...مصر بس للثوار الملخلصين
fawzy elrashidyولد مصرى
ولو التاريخ بينسى إحنا مش ناسيين
RispondiEliminaبس إحنا كنا ثورة ....ثورة طيبين
انتظرونا فى ثورة تانية جايه على الخاينين
على اللى باع وخان وقالوا ثوريين
ومصر راجعه تانى بس للمصرين
مش لعسكر أو جماعة طز فى مصر
...مصر بس للثوار الملخلصين
روعه روعه روعه بجد تسلم ايدك ... دا احنا نروح نروح بقه ع الهجص اللى بنكتبه :))
بجد جميله وفيها انسجام رائع بين كلماتها تحس كل كلمه بتسلمك للى بعدها نعومه وتناغم ... يلا بقه 5 وخميسه ف وششى :D
أجمل تعليق لأجمل وأصغر ناشطة ومدونة
RispondiEliminaتحياتى صديقتى براء