بعد مانمت كتير ع الأرض
وغطايا كان رصاص فى البرد
ودمى كان ليهم فرض
وعلى بنت بلدى كشفوا العرض
وأخدو روحى منى وكفرونا
ودين محمد هو هو دين أبونا
وأنا اللى ماتلى شهيد واتصبت
واتقال علينا فلول هههههههه
طب دا كلام معقــــول
وأنا اللى قالوا عليه
تذكرته رايح جاى
ولما وصلت ..وصلوا هما
وسرقوا ثورتنا وباعونا وادونا
مكانها طبلة وناس تطبل ..ناس تزمر
ناس تنفى وناس تبرر
ناس تنفى وناس تبرر
واللى قتلنى ودهسنى وحبسنى
بيكرموه ويطلعوه خروج آمن
ومعاه كمان قلادة نيل
وكمان جابولنا هشام قنديل
عوزنا نقلع ونلبس قطونيل
وكل دا من مين ؟؟من محمد مرسى
اللى قالو عليه من الثورة جاى
أنا مش ضد ريس والله يا أباى
أنا ضد عسكر ضد جماعة طز فى مصر
ضد نظام رايح جاى
أنا عاوز حقى ...حق أخويا ..
طلع معتقلينا وهات حق شهيدى
ساعتها أقولك مدد ياسيدى
وهنسى كل خلاف عشان بلدى
اللى دمها بيجرى فى وريدى
يا أهل العقول والنظر
الدم مش وجهة نظر
fawzy elrshidy ولد مصرى
Nessun commento:
Posta un commento