التزحلق فوق الدماء المصرية

هو فيه أيه مصر جرالها أيه كل الساسة والاحزاب الكرتونية وكانها فى نزهه ترفيهيه فوق الدماء المصرية الكل واقف يتفرج من مذبحة لمذبحة والكل بيوصل لكراسى مش بالتصويت لا بالصويت على جثث الشهداء مصر بقى لونا أحمر من كتر دم شبابها المسال على الارض
فين اللى بيتكلموا عن الثورة ولا الثورة بحالات ساعة تروح وساعة تيجى فين اللى بيتكلموا عن دم الشهداء ولا خلاص كل صاحب كرسى معاه آله حاسبة بيحسب عدد كراسية ورصيدة فى البنوك وعدد الشهداء ..وكأن كل ما يكون فيه دم أكتر كل ماتكسب كراسى أكتر فين اللى بيلهثوا وراء العسكر لتلمليع البيادات بوجهم العفنة اللتى لاتطيق حتى العيش على أجسادهم من كتر نفاق الشكل واللسان اصبح جسدة ينفر منه .
العسكر أضعف مايكون لانه بيستعمل أضعف افراد المجتمع عقليا واجتماعيا من بلطجية فى تنفيذ مخططاتة القذرة من موقعة لأخرى وكل دا عشان يدارى على جرايمه السياسية والاقتصاديه ومهزلة السعودية ..والكتاتنى يدى الاخوان اجازة من البرلمان ويعلق مسرحية المجلس عشان يساعدوا مرسى فى المؤتمرات ويضحكوا على الشعب الغلبان ويقولك عشان الحكومة ..انت على بال ماتاخد قرار بشان الحكومة تكون انتخابات الرئاسة جات وخلصت واتشكلت حكومة و لاانتم عارفين ان مفيش اصلا انتخابات وحياتكم وضحوا للشعب بس اللى بياخد على قفاه لما شبع وبردوا بيقول هل من مزيد
والأخوان سايبين دم الابطال المصريين تسيل كالعادة وشغاليين مؤتمرات رئاسية هزلية زى محاكمة المخلوع ..عاوز افهم هتكونوا رؤساء على مين والشعب بيذبح هتكونوا رؤساء على أنفسكم فقط .. ماعندكم جماعتكم ولا هتأجروا شعب تانى تحكموه يابتوع الشريعة ..الشريعة بتقولك دم الانسان حلال تتركة يهدر وتكتب صفقاتكم بحبر الدماء
ومرشدكم واقف يخطب ويبايع بعد ماباع الثورة ويقولك مصر للمصريين هما فيين المصريين واى مصريين تقصد ياسيادة المرشد هل تقصد المصريين اللى بتتزحلقوا على دماءهم وأشلائهم أم هناك مصريين آخريين لأنى لا أعرف غير الذى يضحى بروحة من اجل مصر ومحدش يقولى انتم اتحبستم ولا اعتقلتم انتم اتحبستم واعتقلتم لغسيل أموال وأعمال ارهابيه وبردو باسم الدين محدش فيكم اتحبس لقضية وطنية ولو انتم صادقين ليه معملتوش ثورة على مدار 80 سنة ولو كان ليكم عدد كراسى ترضى غروركم فى برلمان سرور بتاع 2010 قبل الثورة والله الذى لا اله غيره كنتم انتم نفسكم قتلتم شباب الثورة من أول يوم ثورة زى مابتقلوهم دلوقت بعقد الصفقات والسكات عن الحق ,, وبدل مانت ياسيادة المرشد واقف تخطب وتقول كله بالحب والحب هو اللى هيوصلنا وفكرتنى ب عبيدى بيليه فى ماتش اعتزاله لما وقف يخطب فى الجمهور ويقول LOVE والجمهور يسقف وخلاص لا يا عمنا احنا مش عاوزيين حب منك ..ياريت تحب انت وجماعتك مصر بس
وكمان واقف تطمن المسيحين وطبعا عشان شوية أصوات طيب بالنسبة لينا كمسلمين مين هيطمنا .
وبالنسبة لأبو اسماعيل اللى عمل الليلة وخلع الناس بتموت ياشيخ ايه وضعك ولا أمريكا هى السبب فى الدماء اللى بتسيل ع الارض دى ,, انزل شوف ولادك وهما يذبحوا من مرتزقة طنطاوى طز فى الرئاسة ياشيخ
وبالنسبة لجميع الحركات الثورية 6 ابريل وكفايه وأولتراس وشباب السويس وجميع شباب مصر اللى نزل وشال المسؤليه احنا هنكمل كدة كدة ثورتنا بس رجاء تنظيم الصفوف واختيار قيادة منظمة للثورة ومتحدث عن الثورة ...نثقوا مع أصحاب الضمير الثورى وحدوا الصفوف فادماءكم اللتى تروى الارض ويتزحلق عليها المتزحلقون على الكراسى هتكون عطر لمصر يشتمه كل ذو كرامه وحريه وهيكون دم نار تحرق كل من خان الثورة والثوار
أعتذر انى كنت كتبت مدونتى فى حرقة قلب وأعصاب وأنا ارى اهلى واصدقائى يذبحون من أجل مصر ولكن مصر فى أيدى خائنة فاسده ملطخة بالدماء والصفقات والغدر والخيانة.وأبسط مايفعلة المتزحلقون هى الأدانه والشجب فى بيانات مكتوبه على أشلاء الشباب وبدماء أطهر مافى الأرض
ألا لعنة الله على الفاسدين الخائنين وفى النهاية يا شوية احزاب كرتونية مفيش انتخابت رئاسية وكل دا افتعالات لتاجيل الانتخابات لمد فترة انتقامية اكتر لو انتم مش عارفين تبقى مصيبة ياساسة مصر بل ياساسة المصالح ولو متعرفوش يبئى ازاى تتامنوا على مصر ولا أنتم اصلا مش فاهمبين ولا فاهميين ومطنشيين ..فعلا مش ممكن الكلاب تسكن عرين الاسد ماينفعش
رسالة لمجلس قيادة الثورة وكل من معه من مرتزقة كراسى ...تاكدوا انكم الزائلون والثوار هم الباقون وتاكدوا مع اول سقوط نقطة دم مصرية هى سقوط لكل من اسقط هذه الدماء لان الثوار شافوا اللى ماتوا وبيتمنوا الشهادة او الحرية ...قضى الأمر
الثورة مستمرة ياشباب الثورة
الله....................الوطن ......................الثورة
fawzy elrashidy