مصر ما بين السندان و مطرقة الفقر و الجهل

هو حصل أيه هل وصل الشعب المصرى لمرحلة اننا نريد أن نرجع للخلف والتخلف وعاوزنا نرجع زى زمان قول النظام ارجع يانظام .
فكيف لنا أن نكون دائما المفعول بنا ومن كل الفاعليين
طيب ماتيجيوا نحط أيدنا على الجرح كدة ونشوف ازاى نداويه ...الأول احنا عملنا الثورة ضد نظام بأكمله يعنى جميع من يعمل بالنظام وليس جزء منه ..طبعا مات شهداء كتير علشان نشيل النظام دا أو حتة النظام دى ومش هتطرق لاهداف الثورة ولا كام شهيد ولا كام مصاب ولا كام معتقل ....لكن هاكلمكم بالاسلوب العادى بتاع الحى أبقى من الميت مع ان الميت فى الوضع دا أبقى وأعظم ..ولكن خلينا فى الأحياء سيادتك ايها المصرى المطحون اللى الفقر بياكل من من جسمه قبل جلابيته ولا  قميصه .مش عاوز تعيش فى حرية وكرامة وعدل ..مش عاوز تربى ولادك وتلاقى علاجك ولا انت كنت بتلاقيه زمان من غير ماحد يعرف يعنى هى الثورة فعلا خربت البلد؟ وانت الاول كنت من القصر دا للفيلا دى ولون ملابسك حسب لون عربيتك وفجأة الثورة جات خربت عليك الحياة الكريمة دى وكنت بتروح تخلص مصالحك بدون رشاوى ولا حرق اعصاب وفجأة بعد الثورة بقيت بتدفع رشاوى واعصابك بتتحرق ...الكلام عن الثورة أصبح تاريخ وجغرافيا بمعنى كلامنا كله اصبح بعد الثورة وقبل الثورة لكن جغرافيا كل الأوضاع كما هى النظام نفس النظام .
دا بالنسبة للثورة والمطحونينين ..أما بالنسبة للاخطاء التى وقعنا فيها طبعا هى كتير بداية من ترقيع الدستور ونعم جنة ولا نار والمادة 28 من الدستور  ..وانحراف بعض الفصائل عن الثورة من أجل المصالح الخاصة ..ولا أريد التطرق لتلك الاخطاء لانى نشرتها كتير ..خلينا نتكلم عن الضربة القاضية الأخيرة وهى الانتخابات الرئاسية النوويه ..كنا زمان عارفيين التزوير ازاى وهى تسويد بطاقات وعمل بلطجة ..أما اليوم فأصبح التزوير ممنهج وهو بطايق سليمة وكله سليم لكن الاشخاص مختلفون يعنى ناس متوفية وبطايقهم عايشة ..وناس توزع عليهم شنطة وتشترى صوتهم وناس تعملهم حشد جماعى بالمواصلات مع مبلغ مالى ..
والمشكلة الأكبر من التزوير العقلى والبدنى جاء على يد المرشحيين فمثلا لو كان اتحد صباحى وأبو الفتوح وخالد على  كان حسم الأمر من أول جولة ..ولو كان الأخوان مرشحوش حد تبعهم ووقفوا جنب ابو الفتوح مكناش فتتنا الاصوات وكنا خلصنا ..ولو حد قالى حق الاخوان يرشحوا حد من اجل المشروع الاسلامى أعتقد ان ابو الفتوح كان ممكن نفذه مع انى لست تابع لابو الفتوح ولكن ما يهمنى هى الثورة ..المهم انتهت الجولة الاولى وحدث أسوأ شىء ممكن يحدث وهى صعود شفيق ومرسى ..فهل ارتفعت أسهم شفيق بسبب أفعال الاخوان فانتخبه الناس على انه المنقذ منهم أم العيب فعلا فى الناس. ولا لما الاقلاط كانوا بيعملوا حاجة نقول دوول عددهم بسيط لا يتعدى 5%  ولما نجح شفيق قلنا الاقباط22% ... يعنى العيب مطلعش فى النظام فقط دا طلع فى الشعب كمان
طيب يلا نشوف الحل ....الحل الوحيد هو اننا نتحد من أجل دم الشهداء بل من أجل الأحياء ممكن دكتور مرسى والاخوان يجلسوا مع باقى القوى الثورية بس اتمنى ان تكون بشروط و يعمل الاخوان على استرجاع الثقة المفقودة للشارع المصرى بعودتهم للشارع دا الوقت المناسب بس اتمنى تنفيذ ما يتفقون عليه ...1-سحب مرسى من الاعادة وادخال احد الثورين مكانه حمدين او ابو الفتوح بصفتهم الاقرب للترتيب فى فرز الاصوات... 2- ان لم يتم التوافق على البند الاول يتم عمل مجلس رئاسى مكون من مرسى وابو الفتوح وحمدين صباحى وخالدعلى وممكن الشيخ حازم صلاح .. 3- التوافق على لجنة تأسيسية مجتمع فيها جميع أطياف الشعب بكل مكوناتة  ..4- اتحاد كافة القوى الثورية لمواجهة كل ماهو ضد الثورة بجد مش مجرد شعارات لكسب اصوات بل لكسب مصر..
دا لو فيه صدق نوايا لمصر والثورة وبكدة نقول نقطة ومن اول السطر وبسم الله الرحمن الرحيم (ثورة) الانتخابات أصبحت ثورة وثورة مضادة مش مشروع اسلامى ومشروع ماجوسى
بلاش نشرب المر من أجل الأمر .... بلاش نتعب بلدنا ونجرى ندور على العلاج ...قالولنا زمان الوقاية خير من العلاج
الله..............الوطن ...............الشهداء...............الثورة
fawzy elrashidy

fawzy elrashidy