مدونة جدع بلا جاه: اتنين فلول ..... واحد كاريزما

أصبح المطبخ السياسى عبارة عن فلول وكاريزما
مع الطباخ الماهر فى اراقة الدماء المصرية مجلس قيادة الثورة المضادة بمساعد غاسل المخ والاطباق تاجر الدين بما لا يخالف شرع الله حتى تكون الذبائح محلله و يسموا على القتيل قبل القتل. ومساعدة عامل الديلفرى لتوصيل الطبيخ المسموم لكل بيت الاعلام الفاسد
عجينة سياسية مكونة من فلول وكاريزما مرشوش عليها بهرات حبة تجارة الدين بطعم سم العقول والارهاب الفكرى
اتفق الجميع على عمل عجينة ووضعها فى محل سوبر ماركت الدم المصرى لأنها أشهر المحلات لتسويق أى بضاعة محرمة وعملوا زى واحد بيبيع مخدرات فى المسجد ... كل من أراد تسويق نفسه الفلولى أو الكاريزمى المعطر بتجارة الدين يذهب لقدسية الثورة والثوار ويتكلم باسم الثورة وكأنهم كانوا فى غيبوبة وحالات الثورة ساعة تروح وساعة تيجى.
طبخولنا الاستفتاء ع الدستوريوم 19 مارس والمحلل الشرعى دخل قالنا نعم للجنة وأكلوها للشعب بالهنا والشفا وأول من أكل الاكله وجاله تسمم عقلى وتلبك فكرى هم من قالوا نعم لانهم لهطوا فى الأكل وفكروها صنية فتة بالقوانيين.
بعد أكلة الاستفتاء الدسمه بدأو يجهزوا طبخة تحريم المظاهرات وتكفير الثوار ووصفهم بالبلطجية وبردوا أول من تسمم من تلك الأكله هم نفسهم من طبخوها وهم تجار الدين لأنهم عرفوا ان المظاهرات والثوار هم اللى وصلوهم للمطبخ دا بس كانوا فاكرينهم هيطبخولهم عيش حرية عدالة اجتماعية ..لكن مفيش فايدة اللى متعود على الخيانة صعب يكون وفى وصدق من قال كلب وفى خير من صديق كلب .
وجاءت طبخة انتخابات مجلس الشعب اللى ريحتها شاطت أوى انها مزورة ب 9 مليون صوت وفاقت كل حدود قانون الانتخابات من دعايه وارهاب الفكر والعقل باسم الدين ويلا نجرب وكأن مصر حقل تجارب ولكن تلك المرة أكلها الشعب حتى جاله تسمم ذهنى وبصرى وسمعى مما رآه تحت القبه من مهازل من كومبارسى السياسه المصرية.
وجاء الآن الدور على الأوبن بوفيه للشعب كله .. على سفرة رئاسيه عليها نوعين من السموم المصرية اللى هتقضى على أخر أمال الشعب المصرى لو أكلوها وشربوا وراها كوكتيل استقرار وانتخابات فى ظل وجود العسكر
سفرة عليها نوعين بس فلول وكاريزما تجارة الدين . وطبعا مايمنعش من المشارييب كاسات الدم المصرى الموجودة طول العام الموجودة من أيام موقعة الجمل مرورا بمعاصر الدم حتى وصلنا مذبحة العباسيه.

يلا نتعرف على الفلول والكاريزما والفلول طبعا المتكلم دون فعل عمرو موسى أفندى صاحب السيجار المحشو بفقر الناس الغلابة وأحب أقول للى عاوز ينتخب عمرو موسى هات طبقك خد فيه دى.

لو عندك ميول فلولية و نويت ترشح عمرو موسى بس الجانب الثورى جواك تعبك شوف دول ... صدق ثورتك و متسلمهاش لفلول :)
عمرو موسى .. تاريخ من التحول والنفاق .. انشرها بقدر كرهك للفساد
http://ahmedadly2008.blogspot.com/2012/03/blog-post_05.html
. فضائح النصّاب السياسي "عمرو موسي".. الملف كاملا!
http://resbikt.blogspot.com/2012/03/blog-post_962.html

ولو عاوز تنتخب صاحب البلوفر و الأيه أحمد شفيق هات طبك خد فيه

- التاريخ الأسود لـ احمد شفيق
http://ahmedadly2008.blogspot.com/2012/03/blog-post.html
- سيادة الشفيق/ أحمد فريق رئيسا للجمهورية | ضباط من أجل الثورة
http://www.officers4revolution.com/2011/10/22/ahmed-shafiq/
شفيق كما يعرفه ضباط الجيش والعاملين بوزارة الطيران - فاسد ويجب التحقيق معه فى البلاغات المقدمة ضده للنائم العام
https://www.facebook.com/note.php?note_id=168375173257479

ولو عاوز تنتخب الكاريزما محمد مرسى مش هقولك انه أولاده معاهم الجنسيه الامريكيه ولا هاقولك ان مصر هتكون فى ايد المرشد وكل قرارات مصر هتكون من مكتب الارشاد ولا هتطرق للخيانة والغدر وبيع الدم ولا هتطرق لمصلحة الجماعة وطز فى مصر ...بس هقولك كلمة واحدة محمد مرسى اخوانى تابع للاخوان وهذه الكلمة تكفى دواوين من الخيانه والغدر وبيع الدم ومصلحة الجماعة فوق الجميع.واللى عاوز يهدم مصر ينتخب فلول او تاجر دين

وفى النهايه احب أقول ياريت نعرف ان الوقايه خير من العلاج مش نتعب مصرنا ونفسنا ونروح ندور على العلاج الصعب لانه علاج لابد به اراقه الدم المصرى الذى استباحوه للمرور الى كراسيهم
الحل اننا نفتكر مصر والثورة والدم المصرى اللى روى الارض يلا نرجع بفكرنا وحماسنا وشجاعتنا وقوتنا ليو التلات بعد صلاة العصر الموافق 25 يناير 2011 يلا نشحن ثورة وكرامة ونرجع نكمل ما بداناه ومنخليش حد ياكلنا السم بأيدينا وصوتنا
يلا نكمل ياشباب
الثورة مستمرة ومكمليين ثورتنا حتى نفرض ارادة الشعب وليس المتشعب
الله ...........الوطن ............الثورة
fawzy elrshidy