الجريمة السياسية لاغتيال الشعب المصرى

الجريمة السياسه لاغتيال الشعب المصرى 
مايحدق فى مصر من حجر مغلقة ووكر للمفاوضات كيف تغتال شعبك وتسفك دمه وتسفك حريته وكرامته وبمساعده فريق عصابى وتخرج بقرارات كيف تقتل شعبك 
أولا تشكلت العصابه فى الوكر بعد خلع العصابه الآخرى وتجمعت كل اعضاء العصابه من تجار الدم والدين واتفقوا على اغتيال الشعب ولكن بعد جمع الغنائم بعد كل مذبحة او موقعة  بمعنى بعد موقعة محمد محمود جمع الغنائم من كراسى مجلس الشعب وتقديم موعد الانتخابات حتى جاء وقت الاتفاق الاكثر اغتيالا لاحلام الشعب او على الاقل الشعب الحر الغير متاجر بالدين او الدم او الذى يتم استغلاله بطريق السمع والطاعة والارهاب الفكرى  وتقدم القاتل والمتواطىء لرئاسة مصر وبالطبع الشعب اختار المتواطىء واختار نقطة السم بدلا من نقطتين مع العلم ان الاتنين سم قاتل ولكن شعب طيب اوى ياخال وتوالت المذابح واغتيال الحلم ومعه اغتيال شعب وجاءت مذبحة ال 16 جندى وهم بيفطروا فى رمضان و يتم خروج بعض أعضاء العصابة خروج آمن ويتم تكريمهم  ويتم اختلاق من مذبحة لمذبحه حتى يتم لفت الانتباه عن الدستور وبيع سيناء .
وجاء الدور من جديد ووضع الشعب بين خيارين والخياران مدسوس بهما السم القاتل وقتل الحرية وخلق ديكتاتور ودوله تزول هويتها تماما ، اما ان توافق على الاعلان الدستور كوب السم الاول وخلق ديكتاتور يحمى كل قراراتة وقرارات جماعتة ومطبليه لانهم جميعا يسيرون على طريق ارفع ايدك فوق  قول موافق وهز راسك وقول تكبيير ، او انك تختار الدستور الجديد اللى بيعمله ناس اخرهم يجيبوا معزتين ويجروا وراهم طول النهار ...كيف ياسادة دستور مصر يكتبه هؤلاء ويتم اقصاء دكتور ثروت بدوى ودكتور محمد نور فرحات ناهيك عن البرادعى لانه عميل ومؤسس حزب الكفار ...الآن الشعب بين خيارين تموت ازاى باعلان دستورى ولادستور كتبنهولك بمزاجنا ..دا غير الحرب الاهليه اللى شغاله فى البلد واستقواء من يمارسون الارهاب على مدى تاريخهم ومعهم الاسلحة والتمويل وشعب فقير ليس معه غير الله وايمانه بقضيته وحبه لبلده .
الشعب يتم اغتياله بكل الطرق اما بالسلاح واما بالقرارات السياسية الخطأ ..فليعلم الجميع ان مبارك يتم محاكمته لانه لم يحمى المتظاهريين ولم يحاكم ، وجيكا مات واسلام مات واحمد نجيب مات اكلينيكا وبور سعيد تغتال والمحله وباقى مصر ويقام نهائى الدم المصرى يوم السبت بميدان التحرير فى احدى القرارات الغير مسؤلة والشعب يحمل مرسى واهله وعشيرتة المسؤليه عن الدم المصرى وزى ماللثورة ثوار يحموها للميدان ثواره يحموه ، ومش هانقبل لا بالاعلان ولا بالدستور وهنختار نعيش ازاى مش نموت ازاى ..انتهى الكلام 
الله......الوطن...حق الشهداء .....الثورة 
fawzy elrashidy

يـــلا نحـــاول نفكــــر

بالنسبة للناس اللى بتقول اننا ضد غزه ....مش محتاج أحلف لكن لو أى حد من فلسطين كلها مش غزه بس ...حب يجيى مصر اهلا وسهلا بيه وكل مصرى هيفتح بيته وله كل الترحيب وأى حد حتى لو امريكى لان الإنسانيه لاتعرف وطن ولا دين وخصوصا دوول اهلنا كمان ...ولكن أرحب به من غير إمتلاك أرضى وأرض أجدادى اللى راح مننا كتير عشان نرجعها ..سينا اغلى الأراضى المصرية لما لها من حب خاص فى قلوب المصريين ...لسه جثث جنودنا فيها ودماءهم على ترابها إحنا مش ضد غزه ولا أهل غزه واتمنى أساعدهم بكل مااملك 

ثانيا : عندى سؤال ..ليه إسرائيل بتضرب فى غزه بس؟؟؟ وليه مش فى باقى مدن فلسطين ؟؟ حد هيقولى لأن حماس فى غزه وحماس إخوانيه ...هاقوله ممكن وكمان ليه أبو مازن وهو من حركة فتح ألغى إتفاقية أوسلو بالإتفاق مع إسرائيل يعنى لا حق لعودة اللاجئين ؟؟ واللى راح ليبيا أكيد شايف المخيمات بتاعة الفلسطينين اللى بين حدود مصر وليبيا لا فلسطين راضية ترجعهم ولا ليبيا راضية تاخدهم.
ثالثا : ليه إسرئيل ضربت مصنع الاسلحة فى السودان ولم يتحرك أحد ولا يعنى 20 طيارة تتخطى كام دولة وتضرب مصنع فى بلد آخر ولم يجتمع مجلس الأمن ولا الدول العربية ولا يتحرك ساكن ؟؟؟ هاقولك لان إسرائيل ضربت المصنع دا لان كانت إيران بتطور أسلحة فيه وبتنقلها لحماس ولو لاحظتم هتلاقوا حماس لأول مرة تضرب بصواريخ لأول مرة تستعملها ووصل مداها قلب تل ابيب ودا كويس جدا وانا شخصيا مبسوط ولكن انتبهوا من خطر هيمنة الاخوان بمعنى إيران تمتد كالاخطبوط بكل ذيولها ..والاخوان تنتشر فى 76 دولة فى انحاء العالم من ضمنها مصر وحماس غزه والاردن وغيرها وطول عمرهم بيحلموا بالوصول للحكم وبدأت فى فلسطين لما الشعب اختار حماس وبدأت فى تونس ومصر ومش هيمشوا غير بالدم والنار وإسألوا التاريخ ؟
رابعا: خازوق القرض من صندوق النقد الدولى مؤخرا تمت الموافقة على القرض بقيمه 4,8مليار دولار ..الفلوس دى هتروح فى حساب مين ؟؟؟الاجابه طبعا معروفة وكمان علشان تفضل مصر تحت رحمة الديون ويوصل إيحاء للشعب ان البلد مديونة وان الاخوان لو تركوها هتخرب لان كل الاقتصاد هيكون فى ايدهم واسالوا الشاطر ...وهم فعلا عندهم قدرة فائقة على غسيل المخ والارهاب الفكرى والشعب بيقول نعم ويهز راسه وخلاص بيفكرنى بيونس شلبى يهز راسه وأيوه فاهم وخلاص ..طيب محدش فكر ان الاخوان دولة جوه الدولة وكانت بتجيب سلاح فى السر ..وحاليا هيدخل سلاح باسم مصر وعلى مخازن الاخوان لانهم أكيد متوقعين إن الشباب مش هيسيب البلد تغتصب اكتر من كدة.
المهم خلاصة الكلام سينااااااء خط أحمر وكل شبر فى مصر خط أحمر عشان بس ممكن تتعمل لعبة يهجروا غزه على محافظات مصر ويتم توزيعهم بطريقة أخوانية شيطانية ولما الوضع يهدى يبنوا لهم عمارات فى سيناء بعد الجنسية ماتكون تمت ويكون مواطن وله كافة الحقوق على الارض حتى شراء سيناء ..وفى النهاية بيع سينا للمصريين يامرسى وبشروط يكون من أب وام مصرية حتى خامس جد ..ولا يحق للمشترى بيع الأرض تحت أى ظرف عمَر سينا بأهل مصر لا بأهلك وعشيرتك ..وفى كل الاحوال الثورة مستمرة حتى وإن زاد الدم ودا المتوقع أو المؤكد
الله...الوطن ....حق الشهداء....الثورة
fawzy elrashidy

ذكرى محمد محمود شوكه فى ظهر تجار الدم

 يوم السبت 19 نوفمبر2011 ، بدايةً ، مجموعه من الشرطة العسكرية تقتحم اعتصام المصابين واهالى الشهداء فى الميدان وتقوم بفضه بالقوه ، وقيام مجموعة من الشرطة أنفسهم بحرق سيارة شرطة لتبرير دخولهم الميدان والضرب بكل مااستطاعوا من قوه ،وفى تلك اللحظة كانت الساعة 9 مساءا بعد ان قام مجموعة من العسكر باقتحام المستشفى الميدانى من ناحية عمر مكرم وأفرغوا مابه من أدويه ، ويوم الأحد 20 نوفمبر  كانت بداية الإشتباكات القوية ، وفى الساعة الثالثة عصرا كانت هناك إنفجارت قوية وغاز كثيف جدا ومن نوع جديد وضرب نار حى وخرطوش ، بدأ تجمع المتظاهريين من جديد من ناحية بيتزا هت وتم الاشتباكات وراح ضحيتها 1004 شهيد غير المفقودين غير المصابيين ، ومن فقد عينه ومن ينسى جدع ياباشا جات فى عين الواد ، ومات من لا يستحق الموت من اجل ان يحيا من لا يستحق الحياة. وإستغل العسكر قلة العدد ولكن كم من فئة قليلة غلبت فئة كثيرة بإذن الله والله مع الصابرين.

انها إحياء لدماء الشهداء وذكرى العار والخيانة لأصحاب العرس الديمقراطى ، انه شارع الحرية والشهادة شارع محمد محمود، غاز خانق ، رصاص حى ، أسعاف لاتهدأ منها من يعالج ومنها من يسلم المصابيين للشرطة الكلابيه ، ومنها من يرمى بالجثث فى الصحراء ، موتسيكلات تنقل مصابين والأموات أحياناً ، لا تتوقف عن الذهاب والمجىء ،وأم وأخوه يهرولون هنا وهناك يبحثون عن أولادهم ربما يجدوه ميت أو فاقد عينيه أو لو حالفه الحظ سيجدونه فى حالة إغماء واعياء بسبب الغاز ، كان يوم 18 نوفمبر قبل موقعة محمد محمود بيوم كانت كل المؤشرات تدل على خيانة قادمة من كل الجماعات المتآسلمة وبعض النخب الكرتونيه وبداية  أنصار أبو إسماعيل بدأو فى الإنسحاب وتاركين الجميع كفريسة للداخليه ، بسبب قلة عددنا وطبعا النقاش مع اولاد أبو إسماعيل زى مع أبو إسماعيل نفسه لأنهم ملمسين على بعض ، وكل ما إهتم به أنصاره أن أبو إسماعيل لم ينطق بكلمة إعتصام ومش ذنبنا انكم فهمتم كلامه غلط ، ولم يوعدكم بحاجة ، كان ناقص يقولوا الثوار اللى تتظاهر معانا ممكن تتظاهر مع غيرنا ، أما بالنسبه لجماعة الإخوان المتزحلقون فوق الدماء المصرية ، تركونا كعادتهم وإنشغلوا بجمع الغنائم من الأصوات واعداد العدُة لبرلمان الخزى والعار ، من منا ينسى تصريحات مرشد الموت ، والتى يخشى فيها من تأخير الإنتخابات وفى حين أن من يتواجد فى محمد محمود مأجورين وبلطجية لإفساد العرس الديمقراطى ، ومن بعده تصريحات العريان أعراه الله  أكثر ، وباقى الشله أمثال الفلوطة صبحى صالح ،وتوالت الاتهامات على أطهر ما أنجبت مصر فى الحلال من أسوأ ما أنجبت مصر فى الحرام ، كان الثوار يهتفون ياطنطاى خرب دمر بكره نهايتك زى معمر ، كان الإخوان يهتفون علم علم ع الميزان ، الميزان هو الكسبان ، فكل التحية لشهداء الحرية ، كل التحية لكل مصابى الحرية.... والخزى والعار لمن تاجر بدماء الشهداء ، والثورة قادمة لاستكمال الحرية.

الله .....الوطن ....حق الشهداء ....الثورة 

fawzy elrashidy

الاحتلال الاخوانى

إنه الإحتلال الإخوانى فهم آخر من نزل الميدان وأول من خرج من الميدان ، بعد أن حولوا الثورة من مطلب شعبى وطنى من عيش حرية عدالة إجتماعية إلى مطلب للجماعة وتحقيق طموحات الجماعة السياسية اللى بيخططولها من سنين ، أول ما طلعوا من الميدان بدأت الصفقات على جثث الشهداء من أجل الكرسى ، كان الميدان وطن واحد وبعد خروجهم من الميدان بدأت تظهر إسلاميه إسلاميه وكأنهم كانوا مع الكفره ‘ سرقوا الثورة وإحتفلوا بها مع رئيسهم يوم ما فتح صدرة فى الميدان وقال جاى من غير حراسة وبعدها بيدخل الجامع بقناصة ، ولو حد قال ماهو منتخب ، أقوله آه أنتخب بطريقة موريس فيها كل أنواع الارهاب الفكرى وتزوير الوعى ومخالفات قانونية ، مثل التمويل وفلوس قطر واعانات أمريكا التى تكلم عنها رومنى وأوباما فى المناظرة ولو كانت هناك دولة قانون لتم التحقيق فى ذلك ، دا غير انهم يريدون الهيمنة على كل مقدرات الدوله وتشويه كل من يعارض هيمنة الاخوان على البلد، دا غير تهريب مقدرات الدولة لغزه وفتح الحدود بلا قيود وكأن سينا تتحول لمستعمرة فلسطينية لتقديم إستحقاق مخططهم وتنظيمهم الدولى واستقطاب حماس فى المستقبل ليكونوا الحرس الثورى ليهم فيما بعد ، يجب التحقيق فى التخاذل فى القصاص وخروج العسكر خروج آمن وتشكيل حكومة مرتعشة مشلولة التفكير ومشروع فنكوش ونصب على العقول ، يجب التحقيق فى مصدر تمويلهم ومقابلتهم قبل الانتخابات لبعض الاجانب مثل مدير المخابرات القطرى ، والتحقيق فى فتح السجون وحرق الاقسام بمساعدة تنظيمهم الموجود فى مصر او جناحهم الحمساوى من غزه ، وخروج الارهابيين من السجون واستقطاب كل من مارس الارهاب من الخارج وحذف أسماءهم من ترقب الوصول ،وخروج شيوخ الظلام التى ظهرت فجأة وخروجهم من الحائط ، الاخوان لا يمكن تعمل على القضية الفلسطينية لأنها سبوبة بياكلوا من وراها عيش وأحلامنا فى الثورة لم تكن تتوقف عند راحة المخلوع ودخولة للعلاج على نفقة الدولة ، الثورة كانت لازاحة النظام وليس تغير التيكت ، الثورة سرقت من الاحتلال الاخوانى ، فالاحتلال ماهو الا تغير هوية دولة والاخوان يريدون تغير الهوية الوطنية للدولة الى دولة خرفانية مبنية على القطيع والسمع والطاعة ، لابد من مقاومة ذلك الاحتلال الارضى والعقلى ، وأعلم كل العلم ان الاخوان أخطر عدو لمصر ومش هيكون طلوعهم بالسهل بل دماء ونار واقرأو التاريخ فالمقدمات تؤدى للنتايج واللى دارس هندسة يعلمها جيدا واللى دارس وطنية يعلم اين يوجد الخائن و السرطان فى الوطن انه الاحتلال الاخوانى ، الثائر الحق لا يمكن يسلم دماغه لأحد ومش ممكن يطبل ويهلل للفساد ، والمواطن مش مجبر يبرهنلك ماهى ديانته ولا علاقته بربنا ،كنا زمان بنحارب نظام فاسد وبنموت بعبارة ولا قطار موت ، حاليا بنموت بإخوان موت وغيظ وقهر على ثورة اتسرقت وشباب عمره بيتسرق زى ثورته انتهى الكلام.

الله .......الثورة ......حق الشهداء......الوطن

fawzy elrashidy

عاكف-مرسى خد العسكر بالحضن والشارع المصرى اهبل

fawzy elrashidy  

انفلونزا الإرهاب الفكرى

انفلونزا تجار الدين والإرهاب الفكرى والتفكير العقيم الذى يهدد مصر هو أخطر أنواع المرض فى الوقت الحالى ، مصر قامت فيها ثورة من أجل حياة أفضل للمواطن ليس من أجل كيفية معرفة ما إذا كنا مسلمون أم كفرة مع العلم إن مصر مسلمة من آلاف السنين ، ليس الشرع هو السكوت عن الحق وعدم القصاص وعدم العدل وتشويه كل من قال لا للفساد العقلى والموطنى ، لازم نعرف إن مصر فى خطر داخلى أكثر من الخارجى ، وعدو عاقل أفضل من صديق مجنون ، نعم ليس العدو بعاقل ولكنه يفكر جيدأ بأنه لا يمكن الدخول فى حرب مع مصر لما لها من أهميه أقليمية ودوليه ، أما العدو الداخلى فهو يريد مصلحتة فقط  وملئ خزائنهم وإتفاقات وصفقات تثمر فقط لجماعة وليس لوطن ، وأقولها بكل قوة النظام لم يسقط بعد بل تغير التيكت فقط كان صنع فى الوطنى أصبح صنع فى الاخوان ، والقضية الفلسطينة مش هتنحل تحت  هذا النظام لانها قضية مربحة لهم جدا ويتم المتاجرة بها من عشرات السنين ، وإلا كانت الأولى حل قضية الشهداء والقصاص من القتلة لان دى فى اليد أكثر من غيرها ، وعدم قيد الحريات بغلق الأفواه ، وكان الأولى النظر لرفح وجنود كانت بتفطر تم اغتيالهم بصفقة منظمة حتى يخرج القتلة خروج آمن ، وخروج الإرهابين من السجون وخروج قتلة فرج فودة وإستدعاء إرهابى الفكر والدين من الخارج ويطالبون بهدم آثار مصر التى يحترمها العالم أجمع والتى هى القيمة الوحيدة الباقية لنا فى العالم ، يامن تطالبون بالشرع أين إنتتم وقت اللزوم ، هل تعلمون أن أول آيات القرآن وأول حكم شرعى هى إقرأ ، على فكرة عشان أجيبهالكم على بلاطة رغم كرهى للعدو الصهيونى ، إسرائيل مش هتنتهى ،إحنا اللى هنموت وننتهى بغباوتنا وحقارتنا وتميزنا العنصرى والدينى والعرقى والطبقى ضد بعض فى نفس الوطن، إحنا اللى جيشنا بيعمل كشوفات عذرية ، احنا اللى بننضرب ونتبهدل علشان ممعكش واسطة ، إحنا اللى نص الشعب جاهل وأطفال الشوارع بالملايين ، إحنا اللى شوارعنا وهوانا وميتنا غير آدميين ، إحنا اللى أطباءنا بينضربوا ومعندهمش أدوات يشتغلوا بيها ، إحنا اللى التأمين الصحى بيبيع أدويته للصيدليات ، أحنا اللى أى شخص نظيف يحاول يغير الواقع بيتجرس ويتشوه ويبعتوله بلطجية ويتبلوا عليه وينزلوا قصاده مدير عياده أو رئيس جمهوريه مؤمن ياواد يامؤمن منك له ،أحنا اللى هننقرض يابتوع البحث العلمى ، والعدو الخارجى هو اللى هيعيش سواء أمريكا أو إسرائيل إذا كانت مصر نفسها مغتصبه من قبل العدوان العربى عليها والحركات الوهابيه  ومارجعتش لأهلها لحد النهاردة ، طبعا هما هيعيشوا وأحنا هنموت، ياريت نفهم ونتعالج من انفلونوا تجار الدين والارهاب الفكرى والفساد وإلا أنتظروا الهلاك العقلى والتاريخى والحاضر والمستقبل أيضا . إنظروا للدستور وسيناء وحق الشهداء وأيضا كونوا مع غزه بالافعال ليس بالتهليل من عام 1948 واحنا بنهلل وننزل نحرق علمين للعدو ونرجع آخر النهار لازم قرارات ثورية لمصر أولا وللعالم العربى ثانيا ، إنتهى الكلام

الله ......الوطن ........حق الشهداء ........الثورة

fawzy elrashidy   

                                    تجار الدين يمارسون التكفير

محمد مرسى يعترف ان المرشد هو الرئيس 

 

يعملوها الخونة ويقع فيها الشعب

كلمتين لازم أقولهم ، خايف أندم على أيام مبارك رغم إنى من أشد معارضية ، كلام هاقوله وأريح ضميرى لما عملنا الثورة دى طالبنا بحاجات من حقنا ، حاجات آدميه وحقوق لأى مواطن عادى ، لم نطالب بمال أو ثروة أو شو إعلامى ، كان هدفنا بسيط وحلمنا أبسط ، عيش ،حريه . عداله إجتماعية ، مصر كانت متجوزة النظام القديم الفاسد جواز  كاثوليكى ، أخدناه منه ودفعنا الفاتورة غالى جدا من أرواحنا وشهداءنا اللى مازل دمهم وحقهم ضايع ، لكن للأسف سلمناها لجماعة بتغتصبها وتبهدلها وتبيعها ، خايف أكون وقعنا فى فخ إعلام وخطة ممنهجة وهمونا بأشياء ليست تضمن إلا صفقات فى الخفاء ومصلحة جماعة ، مثلا أرصدة المخلوع ،والطرف التالت اللى هم أصلا المليشيات ، وموقعة الجمل اللى مازالت لغز  ،  خايف أكون سلمنا البلد للى قتل ثوارنا وشهداءنا لأن كل الشواهد بتقول كده ، من الخروج الآمن وقلادات النيل وشوارع تكتب بأسماء من قامت الثورة ضدهم من نظام فاسد سابق ،  لــ سينا اللى بتتباع بعد ما ضحينا كتير من أجلها ،لــ خروج جماعات الإرهاب من السجون وإستدعاءهم من الخارج وحذف أسماءهم من ترقب الوصول ، لــ مصالحة الامريكان و أخذ اسرائيل بالاحضان ، لــ غاز مصر اللى مازال يضخ لإسرائيل والشعب مش لاقى الانبوبة إلا من رحم ربى ومعاه كوبون الحرية والعداله ، لــ خط الانابيب اللى مش بيتفجر من وقت قدومهم على راس النظام ،  لــ شيوخ الظلام اللى ظهروا فجأة وبيكفروا كل ما يعارض رأيهم ، لــ من يريدون تطبيق الشريعة وكأنها ظهرت فجأة وكأن مصر ستفتح من جديد ، لــ اللى بيطالبوا بتكسير الآثار وكأننا بنتعبدهم ، فى النهاية أن لا أدافع عن نظام مبارك لانى على مبدأى والقاتل زى المتواطئ مع تبادل أدوارهم ،ومرسى مش رئيس مصر ، مرسى عضو فى جماعة ، سيبكم من لعبة الصناديق ،و لو مش قادرين نسلم البلد للثوار اللى دفعوا فاتورة تحريرها غالى جدا ، أو لرئيس ثورى يبئى الافضل ترجعوها زى ماكانت قبل فوات الآوان ،والبكاء على اللبن المسكوب، وخليكم ماشيين على نهج المر من أجل الأمر اللى وصلتونا للمرحلة دى بسببها وكان فى أيدنا لا نوافق على المر ولا الأمر  ، واللى هيقولى حنيت لأيام مبارك هقوله مازلنا فى أيام مبارك ومعاه  هدية كمان جماعة ألعن من مبارك ، واللى يقولى موتوا بغيظكم هاقوله موتوا بغباءكم . اللى مش فاهمين كلامنا ، إحنا بردوا مكملين وزى ماسبتونا فى كل اللى فات من ماسبيروا لمحمد محمود لمجلس الوزرا للعباسية لبور سعيد وزى ما قلتوا علينا بلطجية وخونه وعملاء احنا بردوا مكمليين

خلص الكلام يامن تريدون تكفيرنا بأجمل شىء وهى ثورتنا ، حسبى الله ونعم الوكيل 

الله .......الوطن ......حق الشهداء......الثورة 

fawzy elrashidy

مكمليين 

ملكش دعوة بصلاتى

ومرساه أتعجب لكلماتك بانه يجب غلق المحلات حتى يتمكن الناس من صلاة الفجر ، طيب والمسيحى يسهر للصبح ، طيب وفيها ايه لما الناس تسهر على أكل عيشها وبردوا يصلوا ، وكمان الصلاه علاقه بين العبد وربه لا بين العبد ورئيسه أو مواطنته ، لا علاقة بالمواطنة والعمل وحقوق وواجبات بالعلاقه الربانيه ، ألم يقل رسولنا الكريم صلى الله عليه وسلم من لم تنهه صلاته عن الفحشاء والمنكر لا يزدد من الله إلا بعدا ، وفى روايه أخرى لاصلاة له ، وهل تكفير الناس وعدم القصاص وخروج القتله خروج آمن واللعب باسم الدين لتجميع الأصوات والوعود الكاذبه وعدم الحريات أليس ذلك كله من الفحشاء والمنكر ، الشعب المغلوب على أمره لم ينتخب إمام مسجد ، لا تجعلنى أرى إسلامك بل اجعلنى أرى الإسلام فيك ، بلدنا بتنهار وإحنا ساكتين مفيش صاحب مبدأ له صوت مسموع وصاحب قرار طلق يقول لنا ماحكم هؤلاء الإرهابيين فى مصر؟ قال إبن تيمية فى رسالة الحسبة ، الله ينصر الدولة العادلة وإن كانت كافرة ، ولا ينصر الدولة الظالمة وإن كانت مؤمنة ، مصر بلد مسلمة من آلاف السنين ومسلم ومسيحى علاقته بربنا فقط لا برئيس ولا شيخ ولا فلان ، المواطن مواطنه فقط مهما كانت ديانته له حقوق وعليه واجبات يعنى نريد دوله عادله محايده لا تفرق بين رجل وإمرأة ، مسلم أو مسيحى  دولة الظلم والإرهاب الفكرى تسقط سريعاً ، وها نحن نرى بوادر السقوط، أزمات إقتصادية طاحنة ، ومشروع طلع فنكوش ، ضياع سيناء لغياب الأمن عن قصد وإختلاق أزمات مفتعلة ، والتفتيش فى ضمائر الناس ، وتكفير المتخلفين لكل من يعارضهم الرأى ، الشريعة ماهى إلا معالجة الفقر والأميه ، وتوفير حياه كريمة وتجريم التحرش والسرقة ، الناس لاتقلق من شرع الله بل القلق وكل القلق ممن يتاجرون بشرع الله ، ويتخذون من من آيات الله قص ولزق حسب المصلحه ، واختم كلمتى بقول الله عز وجل (فَلْيَعْبُدُوا رَبَّ هَذَا الْبَيْتِ * الَّذِي أَطْعَمَهُمْ مِنْ جُوعٍ وَآمَنَهُمْ مِنْ خَوْفٍ) فلابد من من إطعام الجائع والآمن والآمان أما عباده الله فتلك بين العبد وربه ، أفيقوا يرحمكم الله 

الله.........الوطن .........حق الشهداء.......الثورة

fawzy elrashidy

المنحوس منحوس و لو علقوا على راسه الفنكوش

المنحوس منحوس يا شعب حتى و لو علقوا على راسه الفنكوش ، قلنا ثورة طلعت ثروة لبعضهم وسرقوها ،قلنا تغير دستور يكون لكل مواطن كتبولنا دستور قندهار ملهوش علاقة بالمواطن ، قلنا عيش ، مش موجود حتى حاف ، قلنا حرية إتسجن ثوارنا واتسجن كلامنا واحلامنا ، قلنا عدالة إجتماعية ‘ لقينه الظلم غطى رؤوسنا والناس بتبيع اولادها والداخليه هى هى ، قلنا القصاص لقتلة الثوار ، طلعوهم خروج آمن وقلادات نيل وانكتب شوارع بأسماءهم ، قلنا رئيس ثورى واحد مننا ، جابولنا اتنين منهم قاتل ومتواطىء ، قالك الصندوق بيقول كلمته ، والصندوق بيوشوشهم فى ودانهم وهما يقولوا كلمتهم ، وبقينا شعب منحوس زى الاتنين محروس ومنحوس محروس هما تجار الدين ومنحوس هو الشعب ، كانوا الاتنين جعانين ، وكانت قدامهم حديقة بها شجرة موز ، راحوا يجيبوا الموز علشان ياكلوا ، محروس طلع فوق الشجرة ومنحوس تحت عشان محروس يقطع الموز ويرمى لمنحوس ، فجأة آتى صاحب الحديقة وكان معاه مساعديه ،قالهم إضربوا اللى تحت دا (منحوس) وكالوه علقه سخنة ، وروحوا الاتنين ،تانى يوم جاعوا و راحوا نفس الحديقة ، وطلع محروس على الشجرة ومنحوس تحت ، وآتى صاحب الحديقة تانى ومسكوا منحوس بردوا ضربوا علقه سخنه ، وروحوا ، تالت يوم المفاجأة جاعوا وراحوا نفس الحديقة لان مفيش غيرها فى البلد ، والمرة دى منحوس هو اللى طلع فوق الشجرة ومحروس هو اللى تحت ، وجاء صاحب الحديقة ومساعديه وهما رايحين كالعادة يضربوا اللى تحت ، قالهم صاحب الحديقة لا احنا ضربنا اللى تحت كتير ، المرة دى هاتولى اللى فوق وكان منحوس وبردوا هو اللى أكل العلقه السخنه ، أما بالنسبه لبتوع الشريعة اللى فاكريين ان الناس قلقانه من الشريعة أحب اقولهم الناس قلقانه منكم انتم والاسلام باقى ومن الف وربعمائة عام من غيركم ، ليس مايوجد بالقرآن شىء إسمه إخوان أو سلفيين جهادين او جماعات إسلاميه فالاسلام واحد والدين واحد ورب العالمين واحد ، فتجار الدين ومن ينادون بالشريعة كما السكرانين الذىن مروا على مؤذن لا يعجبهم صوته فجلدوه وسحلوه فاجتمع الناس ، فرد السكرانين المطالبين بالشريعة اننا نضربه ليس لرداءة صوته ولكن من خوفنا من شماته اليهود فينا ، وبعضهم أيضا يذكرنى بأناس مروا على مؤذن وجدوه يقرأ الآذان من ورقه فهرولوا إليه ألا تحفظ الآذان فقال لهم إسألوا القاضى ، فآتوا القاضى ،فقالوا السلام عليكم أيها القاضى ،فأخرج القاضى دفترا وقلب فيه وقال وعليكم السلام.هكذا هما لايطبقون ولايفقهون ولكنهم يرددون كما الملقنون فقط.

فى النهايه لا تكلمنى عن الشريعة وإنت من باع وخان وظلم أهالى الشهداء بعدم القصاص وتواطئك على الفساد ووعودك بوعود وكلام معسول عهود كلها فى علبه الفنكوش والعلبة فيها فيل والغلابة صدقوك عشان الدقن والذبيبه ، وإن كان الشعب منحوس فنحن من يشق الأرض ويخرج ممنها الأمل والحرية وحق الشهدا والقصاص من كل من باع وخان .

الله........الوطن ........حق الشهداء.......الثورة

fawzy elrashidy

قصيدة روعة عن الاخوان والسلفيين

المواطن المحمول

المواطن المحمول هو الذى يستغله الديكتاتور والفاسد واصحاب النفوذ وبعض الجماعات لتوصيل هيمنتهم وسيطرتهم على الوضع والمكان ، ودا كله لأن مفيش عندنا مواطن معتمد المواطنة غير الثوار وأصحاب المبادىء وهم من مات من الشهداء ومن تبقى من ثوار ، فالثائر لايقبل أن يسلم شفرة دماغة لأحد ولا أحد يستطيع اللعب برأسه وإدخال بها من معلومات مزيفة وإرهاب فكرى ، فالأنسان الثائر الأصلى غير قابل للبرمجه لأن ضمير مش أرجوحى ولا مهتز ولا ضعيف استقبال حب الوطن ، فهناك أشخاص تعودوا على من يفكر مكانهم وعلى من يلقنهم الكلام والأفعال كما التليفون المحمول ، وتلك الكلمات تذكرنى بموقف حدث مع أستاذى علاء الأسوانى ،منذ فترة كان دكتور علاء يعمل كطبيب أسنان فى إحدى الهيئات الحكومية وحين كان يعالج أحد الموظفين وكان مستلقيا على كرسى الاسنان وقد قام د/ علاء بوضع اطار معدنى فى فم الموظف المريض ، حول ضرسه حتى يتمكن من وضع الحشو ، ودخل  مدير الأمن فى الهيئة وفوجىء به يقول لدكتور علاء من فضلك إصرف المريض لان رئيس الهيئة نازل يعالج سنانه حالا ، رد الدكتور امامى نص ساعة وأنتهى من المريض ثم اصرفه ،رد مدير الأمن وقاله لا يجب ان تصرفه حالا وهو يتكلم بلغة الأمر ، رد دكتور علاء لا مش ممكن اترك المريض وضرسه مفتوح ، ابتسم مدير الأمن فى سخريه وقاله رئيس الهيئة مش بياخد مواعيد أى وقت عاوز يعالج سنانه يعالجها حالا ، رد دكتور علاء انا لا اعمل عند رئيس الهيئة أنا اعمل فى هيئة حكومية وهو رئيسها فقط ،  وتم تبادل النقاش بين شد وجذب ، وفوجىء الجميع بأن المريض يفتح فمه بصعوبة وينزل من على الكرسى ويوجه كلامه لمدير الأمن ، أنا تحت امرك وأمر سيادة رئيس الهيئة قوله يتفضل وأنا أبقى أكمل علاجى فى وقت آخر ،ولم يكتف الموظف بذلك بل خرج لاستقبال رئيس الهيئة ولم ينصرف قبل أن يسأله تأمر سيادتك بحاجة ، أحس وقتها دكتور علاء بالاحباط لانه يدافع عن كرامة مواطن والمواطن يدافع عن ذله واهانته وعن من يهينه ، فتلك هو المواطن المحمول ، احنا فى حاجة لثورة فكر وثورة مواطنة ، لان انا خايف يجى علينا يوم نلاقى نفسنا  بنخاف من بعض كمواطنين لان بيتعملنا غسيل مخ وتكفير والشعب كله أصبح كافر بفتاوى شيوخ الظلام ، زى كلمة ديمقراطية كفر حتى كرهها البعض ، خايف نوصل زى الراجل الطيب اللى سمع عن الدِش ومخاطرة من شيوخ الظلام ، وأنه فاسد وحرام ، وكان عند أحد أقاربه دُش وطلع يقول عند فلان دُش اللى يغسل منه يكون كافر ، ودا لأنه تلقين وترديد دون وعى ومعرفة زى الثوار بلطجية والشهدا فوتوشوب وعندنا رئيس ثورى وفيه مشروع نهضة ، وفى النهاية لا تقبل على نفسك تكون محمول وتوضع فى جراب الفكر الارهابى وتطبيل وتبرير وتشويه دون وعى لا تكن بغبغ وشكرا

الله ........الوطن .......حق الشهداء .....الثورة

fawzy elrashidy

سينا رجعت كاملة ليهم

سينا رجعت كاملة ليهم ، بعد مذبحة رفح التى راح ضحيتها 17 شاب من خيرة شباب مصر كالعادة ، وبعد لجنة إخفاء الحقائق التى تختفى معها الحقائق كالعادة ، ومع الخروج الآمن للعسكر  بعد عملية رفح وبعد أتوبيس الجنود اللى راح ضحيته أكثر من 20 جندى فى جنوب سيناء اللى طبعا تناسها الاعلام والمسؤليين والشعب كالعادة ، وبعد اكثر من هجوم على أقسام الشرطة فى سيناء جنوبا وشمالا وبعد اعتداء مجموعة على سيارة شرطة راح ضحيتها 4 من جنود مصر والمجموعة المعتدية غير معروفة كالعادة ولكنها معروفه جيدا لكل صاحب عقل وعدل ، وبعد ان يتم بيع سيناء وتوطين الفلسطينين من قطاع غزه فقط والحماسيين فقط مع ان فلسطين فيها مناطق أخرى وبردوا عليهم حصار لكن الصفقة مع غزه فقط وبتوع حماس فقط لان هم أصحاب أصحابنا إياهم فعادى يعنى لو قعدوا معانا فى سينا ونبنوا مستوطنات ليهم ونكون اسره واحده مع بعضينا ، أحب أقولكم مصر بتتباع وسنا رجعت كامله ليهم والتمن وصول الجماعات لحكم مصر و12 مليار دولار مقابل بيع 600 كيلوا متر من سينا عشان اسرائيل حبيبة ريسنا ياخدوا راحتهم فى فلسطين ولان قضية فلسيطن يتم المتاجرة بيها من ايام 1948 واهى سبوبه بردوا.ثانيا الدستور الأسود اللى بيجهزوه لمصر ولشعب مصر الكافر المكفر حديثاً ، الدستور ياساده مش نهاية عند كتابته وأصحاب القانون والدستور فاهميين كلامى وأحب أوضح إن الدستور مش نهايته ولبسانه عند كتابته لا ،الدستور بيتم تجهيزه للمشرع اللى هو بتاع مجلس الشعب اللى هو هيكون بردوا اسلامى متآسلم يعنى الدستور عباره عن قماشه بيتم تجهيزها لترزى القوانيين اللى هو المشرع اللى هيفصل القانون على حسب قماشة الدستور الجاهزة وبعد كده الشعب يلبس أحلى قماشه من قندهار وترزى من الحركات الوهابيه المتخلفه عقليا ونفسيا والشعب الغير متاجر بالدين والعاطفى بدينه يلبس غصب عنه لأن هى الديمقراطيه إن اربع ذئاب وبينهم حمل صغير ويستفتوا على الغذاء.
 ثالثا حكايه الشرع ، هل الشريعة تطبق على اهلها ام على المواطنه ، بمعنى حكم الشرع على المسلم ام على المواطن ككل حتى لو مسيحى يطبق عليه شرع الاسلام وهو غير ملزم به ، أم كل واحد سيحاكم بشريعته ، أم هناك حقوق مواطنة وواجبات مواطن ، مع العلم ليست المشكله فى الشرع ولكن فى تجار الشرع والدين وترزية القرآن والأحاديث.ثالثا للاخ مرسى اللى انا مش من اهله ولا من عشيرته لانى مش بسلم دماغى لحد ولا عندى ضمير متأرجح ولا بغير مبدأى ، هل تعلم أنك حكمت مصر وانت غير مرغوب فيك حتى من جماعتك فكانوا يريدون الشاطر وجأت ثانيا  ، ومنهج السنه والسلف كانوا يريدون أبو اسماعيل ومن بعده أبو الفتوح، والثوريون كانوا يريدون البرادعى أو حمدين صباحى أو خالد على ،وانصار النظام القديم والنصارى كانوا يريدون شفيق ، ولكنك أتيت بالتعين الانتخابى وماتسمى ديمقراطيه مزيفه مصطنعة ، بعد أن أصبحت رئيس مصر وطبعا لم تتخذ أى قرار ثورى ولم يتغير شىء بل تغير للأسوأ ، أحب أقولك سيادة الرئيس الغير مصرى بل الاخوانى ، إرحل لو لسه خايف على أهلك وعشيرتك .

الله ......الوطن.......حق الشهداء..........الثورة 
fawzy elrashidy

وبعدين يا بلد ؟؟

وبعدين يا بلد رايحه على فين بعد ما مات ولادك الطيبين واتسجن حرية ولادك الباقين جوه الزنازين واتصاب اجدع ولاد مخلصين .

جابولنا اتنين فى انتخابات الرئاسة قاتل ومتواطىء علشان عارفين الشعب بيحب الأمثال الشعبيه وقالك المر من أجل الأمر وأهو راجل بيعرف ربنا مع العلم إن كل الناس تعرف ربنا ومصر بلد متدين بطبعه ، لكن مجلس القلل قالك حط دا عشان لما يحصل مظاهرات ينزل اتباعه يضربوا فى الثوار ويمنعوا اى مظاهرات ونسوا ان شباب مصر عنيد وبيقف فى وش الرصاص وعيونهم اقوى من القناص واسألوا رضا عبد العزيز وحرارة ، قالك رئيس ثورى طيب إزاى بس ثورى وكل أفعاله ضد الثورة بدل مايحاكم القاتل طلعهم خروج آمن بصفقه قذرة مات فيها 17 جندى فى رفح ، طيب حد يعرف حاجه عن الجناه ولا لجنة اخفاء الحقائق كالعاده ؟؟؟ بعد ماساب الشباب الثورى فى السجون وخرج شركاءه فى الاجرام السياسى باسم الدين ، وكمان جالنا شيوخ من زمن الكهوف تحرم وتكفر كل من يعارض النظام وكأن النظام نظام قرآنى أو دينى ، فبعد ان كانت القروض حرام أصبحت حلالا ، وبعد ان كان الكذب واختلاف الوعود وخيانة الأمانه من صفات المنافق أصبحت من الدهاء السياسى ، أنا مش عارف هى مصر كانت يوم 24 يناير 2011 دولة كافرة وعملنا ثورة علشان ندخل الدين الجديد؟؟ وهل الشريعة تخاطب اهلها أم تخاطب كافة الوطن يعنى تطبيق الشريعة يكون على المسلمين فقط أم على كل مواطن أم نطبق الشرع وكل بديانته واحكام شريعته ، وهل تطبيق الشرع يحتاج حياه كريمة وعدل وناس عادله أم تطبق كما هو عليه ، ومن هو المطيق هل ذاك أبو دقن أم ذاك ابو ذبيبه أم المسلم الذى سلم الناس من لسانه ويده وحاليا لا يوجد ذاك المسلم الذى نريد ان نرى الاسلام فيه لا هو فى الاسلام وخلاص . قال عمر بن الخطاب عندما جاء يسد يتهم خادمه بأنه سرق منه . قال له عمر بن الخطاب للسيد الشاكى " لو سرق خادمك مرة أخرى لقطعت يدك أنت " منتهى العدل والحكمة والإحساس بالفقراء . ياسادة لايوجد بيننا عمر بن الخطاب فى عدله بل يوجد عمر بن مرسى ومرسى وجماعته ، وأخيرا الدستور النووى ، الذى لم يذكر فى الاربع مسودات اللى طلعوا بيها اللجنة التحشيشية للدستور كلمة مواطنه غير مرة وحيده ، ولازم نفهم ان الدستور بيتحط للمشرع اللى هيحط القوانيين وطبعا معروف من هم ترزية القوانيين وهو الحزب الوطنى الجديد يعنى اللجنة جهزت القماشه والمقاسات والحزب الوطنى الجديد يفصل والشعب يلبس كالعادة ، معركتنا هى الدستور لانه دستور وطن مش  دستور جماعه ولا دستور أبوهم ومصر مش عزبه أبوهم ، وكمان غلق محلات بدون أى مسؤليه ولا احساس بالشارع ، ولا كام شاب هيقعد من الشغل ولا كام تاكسى هيركن من الساعة 10 والقهاوى وزيادة البطاله اللى هتزيد وميناء بور سعيد والاجانب اللى بترسى مراكبهم بالليل بالساعات وبيحبوا يتسوقوا من البلد ، ليه تمنع الرزق والسياحه ، ليه تعمل حاجه دون دراسة جدوى ونظرة مشمله للنتايج ؟؟

منتظر الشتيمه من اللجان الاكترونيه والمطبلتيه والمبرراتيه وميمنعش بتوع الليمون بردوا ، موتوا بغبائكم ، دماغنا مش هانسلمها لحد

الله ...........الوطن ...........حق الشهداء ........الثورة

fawzy elrashidy

رايحه على فين يامصر