كابريه الأخلاق الحميده

تبدأ قصة كابريه الأخلاق الحميده ببنت إسمها سنيه ، جات من الفلاحيين ومن قريه بسيطه و نزلت إلى القاهرة ، وهى لا تعلم عنها شىء سوى أنها مصر المدينة الكبيرة ، وهى تسير فى شوارعها ليلا ، تقابلت مع شخص عليه علامات الروع وذبيبه بديعه فى وجهه عباره عن فطريات ، وبعد أن حكت سنيه حكايتها له ، قال لها هذا الشخص البديع الكلام ، حظك حلو ياسنيه ، لأن أنا عندى مكان بيجتمع فيه الأغنياء وأصحاب المشاريع والمصالح ، وكان عندى سيده شاطره ، ولكن لظروف كده مش هتنفع تكمل فى المحل دا ،هو عباره عن ترابيزات ، فيه ترابيزه عليها ناس هتهللك وتسقفلك ، وترابيزه عليها بلطجيه يحموكى ، وترابيزه عليها حبايبنا من الخليج ، وترابيزه عليها ناس بتكفر و تفكر بنصها التحتانى وبس ، وترابيزه عليها حبايبنا من الامريكان واليهود ، ردت سنيه وقالت كابريه ياعنى ياحاج؟ ، رد الحاج وقالها لا حاشى وماشى دا كازينو للأخلاق الحميده   ردت سنيه وقالت يعنى هاشتغل رئاسه ياحاج ، رد الحاج لا ياسنيه إسمها رقاصه ، لأن الرئاسه دى شغله سياسيه لكن رقاصه بتاخدى كل حاجه بالسياسه ، ومتعمليش زى الفلاح اللى أول ما إتمدن دهن دوافر الجاموسه مانكير وربط الأرافته وحط الأُله فى البلاؤونه ، قالت له حاضر ياحاج المهم أعيش وتكون راضى عنى ، خدها الحاج لعماره كبيره وأجرها شقه وقالها متخليش حد من السكان يعرف إنتى إشتغلى أيه وإلبسى عبايه كباسين وإنتى رايحه الشغل وتحتها الميكرو والمينى ، وإنتى راجعه متآخر من الشغل قوللهم إنك شغاله ممرضه وهتعالجى كل الأوضاع فى المستشفى ، وهما لما هيشوفيكى بتصلى على كلمتين فى الدين هيصدقوكى ، وفعلا قدرت تخدعهم لأن سكان العماره طيبيبن أوى ياخال ، وفى يوم عمل سكان العماره إجتماع علشان ينتخبوا حد من السكان يكون مسؤول عن العماره من سباكه وكهربا ونظافه ، يعنى كبير العماره ، وقالك علشان الديمقراطيه نعمل قُرعه ، وعلشان سنيه خدعتهم بالمنظر والكلام ، وقالتلهم إنها عالِمه بكسر اللام وأتاريها عالَمه بفتح اللام ، وعصر البعض ليمون وقالك دى كويسه ، لحد مارقبوها وعرفوا هى بتشتغل أيه وعند مين ، وإنها ضحكت عليهم وخدعتهم وعاوزه تاخد كل العماره لأهلها وجماعتها وعشيرتها واللى بيطبلولها، وبعد مافرقت بين الجيران وعملت فتنه  ، إجتمع شرفاء العماره وقرروا وإتفقوا على يوم معين فى شهر يناير علشان يرحلوا سنيه إما لبلدها وإما لمكانها المفضل ، وإتفق أصحاب العماره إنهم مكملين عشان ياخدوا حقهم من سنيه ،  وفتواتها ويرجع الأمن والآمان للعماره

الله....الوطن .....حق الشهداء....الثورة

fawzy elrashidy