يوميات شراره

يوميات شراره ، إنه الرجل النحس الذى سقط من الطياره بعد أن إعتلاها ، ليس إعتلاء عبد الله بدر الشيخ الشبيح ، ولكن إعتلاء أى ركِب وعلا ، إنه شراره الفقرى وش البومه رقم 13 ، الذى لم ينجح إلا فى الفشل ، حتى فشل الفشل منه ، كما فشل مطبلوه فى التبريرات على الفشل ، بأن سبب شرارته النحسويه هم المعارضه وساويرس  و قناة ontv ، أيوه الناس دى هى السبب فى السواد اللى احنا فيه ، هما اللى قطعوا النور يوم حلف اليمين فى الدستوريه ، وهما اللى قطعوا العلم ، وهما اللى وقعوا الطياره فى السعوديه والسودان وبطريرق أثيوبيا ورئيس وزارتها ، وهيلارى اللى انضربت بالطماطم بعد ماقبلته وراحت لاقت أمها ماتت ، وسور الصين العظيم اللى إتهد منه قطاع ، وعمارات إسكندريه ، وحوادث أسيوط ، أتوبيس المدرسه والقطر ، وقطر البدرشين ، والحرايق ، حتى لما راح يزور المصابين مطلعوش مصابين طلعوا كومبارس ، وجنود رفح ، طبعا دا غير الانقسام الشعبى وإنقسام مصر مسلم مسيحى مصريين وأخوان وسلفيين متمصريين ،والنهضه اللى طلعت فنكوش ، والاقتصاد الزفت ، دا غير البلاعه اللى اتفتحت على مصر وطلع منها صراصير التكفير وعديمى التفكير وصنايعية التبرير والتشويه لشرفاء الوطن ، إن شرارة يفكرنى بسائق الاتوبيس الذى اعتلا  الاتوبيس بعد سقوطه من الطياره وهو لا يدرى كيف يقود الاتوبيس وشغال بنحسه يخبط يمينا ويسارا فذهب إليه الركاب إحنا بنموت يافقر وهو ييبتسم ويقول كله بالحب ، واالمبرراتيه يقولوا انتم اللى مش عارفين تركبوا الاتوبيس ، فعلا يا مطبلاتيه يبئى اللى يفضل عايش و يعرف ينط من الاتوبيس ينط ويركب قطار 25 علشان نوصل بالبلد لبر الآمان ونتقى شر شراره ومليشياته.

الله .....الوطن .....حق الشهداء .....الثورة 

fawzy elrashidy