إنجازات شعب مطحون

إنجازت شعب مصرى مطحون ، معروف عن الشعب المصرى ذو الحضارة 7 ألاف عام  بأنه شعب عظيم وافر بالانجازات غير إنجاز قرص الطعميه ، فلنتطرق لتلك الانجازت فى 9 أشهر ماضيه فقط وهى عُمر حكم صاحب الإنجازات ذو الخيال العلمى ، أو الأكثر إنجازاً فى الفشل ، فلنتعرف سوياً عن إنجاز شعب مصرى مطحون.

فهو أول شعب عصر ليمون ليأتى برئيس منجز ، وأول شعب طيب أوى ياخال وصدق أبو دقن وذبيبه ،وأول شعب سرقوا ثورته وقتلوا واعتقلوا ثواره ،وأول شعب عنده نهضه مرة بتقى طائر ومرة تبقى شجرة وهى أصلا فنكوش ، وأول شعب كفروه وهو مسلم من 1500 سنه ، وأول شعب فيه ناس بتتكلم مسيحى ، وأول شعب معفن علشان بياكل جبنه نيستو ، وأول شعب بيتم تشويه معارضيه من لجان واخدين حبوب منع العقل ، وأول شعب شايف البلد بتتنقل من مكتب السياسات لمكتب الارشاد ومصدقهم ، وأول شعب عنده سيوخ ظلام خارجيين من بلاعات الجهل تفتى بما لذ وطاب للحاكم وليس لله ، وأول شعب بيتم تأجير آثاره وممتلكاته وبيتم توزيع أراضيه على الأهل والعشيره ، وأول شعب مات له شهداء والكل براءه ، وأول شعب مات له 17 جندى على الحدود وهما بيفطروا بعد صيام يوم طويل فى رمضان علشان صفقه قذرة لخروج العسكر خروج آمن ويتم الضحك ع الغلابه إنه انجاز وإنهاء حكم العسكر ، أول شعب فى العالم تحكمه جماعه ، أول شعب عنده طرف تالت ، أول شعب رئيسه هارب من السجون وعامل مكالمه تليفون لقناة الجزيرة رغم سقوط جميع شبكات المحمول ، أول شعب يحكمه رئيس قام بخيانة صديقه العالم المصرى عبد القادر حلمى الذى كان يعيش معه فى نفس الولايه ساوث كارولينا والذى كان يعمل فى برنامج حمايه محركات مركبات الفضاء فى وكالة ناسا ، وقام مرسى ببيع وخيانة صديقه للامريكان فى عمليه تسمى بالكربون الاسود عام 1989 ، وعشان الهتيفه والمبرراتيه ممكن تبحث بنفسك وهتتأكد ولكن لا تعمى الابصار ولكن تعمى القلوب التى فى الصدور ، أول شعب كويس إنه عايش رغم ان الشعوب كلها عايشه كويس.

ولو حد قالى طيب هى دى انجازات شعب؟ هاقوله آه ، ويعنى هى اللى نزلت فى الكتاب إنجازت رئيس ،إنتهى 

الله .....الوطن .....حق الشهداء ... الثورة

fawzy elrashidy